ئاکرێ نیوز:
هنده‌ك نوشدار وه‌سان هزر دكه‌ن كو قراندنا ستووی دبیته ئه‌گه‌رێ كێمكرنا فشارا خوینێ، به‌لێ ل ڤێ دووماهیێ بسپوران مه‌ترسیێن قراندنا ستوی كرنه هێڤێنێ ڤه‌كولینا خوه و چه‌ند راستی ل دۆر دیاركرن.
ڤه‌كولینه‌كا بریتانی یا نوو دیاركر كو قراندنا ستووی تیتاله‌كێ ب زیانه و به‌روڤاژی بوچوونا وان نوشدارانه یێن دبێژن كو فشارا خوینێ ب قراندنا ستوی دهێته خوارێ، ماموستایێ چاره‌سه‌ریا سروشتی ل زانكۆیا برونه‌ل ل له‌نده‌ن دیاركر كو چاره‌سه‌ریا ب ڤی ره‌نگی دبیته ئه‌گه‌رێ سه‌رباركێن ب مه‌ترسی ل ده‌ماران و مووده‌مارێن خوینێ و باشتره هه‌موو كه‌س خوه ژێ دوور بكه‌ن.
هه‌روه‌سان گۆت: ئه‌و كریارا خه‌لك ب كاردئینن یا جودایه ژ چاره‌سه‌ریا ب رێیا ته‌دلیككرنێ كو ده‌ست پێ دكه‌ت ب پالدانا ستوی ب هێزێ داكو ده‌نگێ قریانێ ژێ بهێت و ئه‌ڤه دبیته ئه‌گه‌رێ جوره‌كێ تایبه‌ت یێ سكته‌یا مێشكی و باشتره ل شوونا وێ راهێنانێن وه‌رزشی بهێنه كرن و ل وی ده‌می ئێشانێن ستووی ژی دێ هێنه چاره‌كرن.