پۆلیسێن دهۆکێ راگه‌هاند، وان ئەو کەسێ ئه‌ڤرۆ ل سێمێلێ قوتابیه‌ك كوشتى ده‌سته‌سه‌ركریه و لێكۆلین ل گه‌ل وى دهێته كرن.
پۆلیسێن دهۆکێ راگەهاند: ئه‌ڤرۆ ل ده‌مژمێر نه‌هی سپێدێ پۆلیسێن وان ل سه‌ر هه‌بوونا تاوانه‌كێ هاتینه ئاگه‌هداركرن و ده‌مێ پۆلیس ل جهێ روودانێ ئاماده‌بووین دیاربوویه كو قوتابى (ع، م، ع) كو قوتابیێ پۆلا یازدێ ئاماده‌یى یە ل سه‌نته‌رێ ده‌ڤه‌رداریا سێمێلێ هه‌ڤالێ خۆ ب ناڤێ (م،ف،ع) ب گوللـه‌یه‌كا ده‌بانجێ كوشتیه.
پۆلیس دبێژن، هه‌ر دو كه‌س تاوانبار و تاوانلێكرى ژ دایكبوویێن سالا 2007ێ نه و وه‌لاتیین تاخێ شه‌هیدان یێ سێمێلێ نە.
پۆلیسێن دهۆکێ ئاشكراكریه، تۆمه‌تبار ژ ئالیێ پۆلیسان ڤه هاتیه ده‌سته‌سه‌ركرن و نوكه لێكۆلین ل دۆر تاوانێ و گه‌هشتن ب زانیاریێن دروست یێن تاوانێ ده‌ستپێكریه.