ئەڤرۆ ڕۆژا سێشەمبی هەردوو مەکتەبێن سیاسی یێن پارتی دیموکراتی کوردستان و ئێكەتی نیشتمانی کوردستان ل پیرمام دێ كۆمبن.
لدووڤ زانیارییان، نێچیرڤان بارزانی، سەرۆكێ هەرێما كوردستانێ و مەسرور بارزانی، سەرۆكێ حكومەتا هەرێما كوردستانێ دێ سەرۆكایەتییا شاندێ پارتی كەن و بافل تالەبانی، سەرۆکێ ئێكەتییێ و قوباد تالەبانی، سەرۆکێ تیما ئێكەتییێ ل حکومەتا هەرێما کوردستانێ دێ سەرۆكایەتییا شاندێ ئێكەتییێ كەن.
د كۆمبوونێدا دێ ئاریشەییێن دناڤبەرا پارتی و ئێكەتییێ، پرسا هەلبژارتنان، دابینكرنا مووچەیێ فەرمانبەران و ئاریشەییێن دناڤبەرا هەردوو حكومەتێن هەرێمێ و فیدرال هێنە گۆتۆبێژكرن.