سه‌رۆكێ هه‌رێما كوردستانێ په‌یامه‌ك د بیره‌وه‌ریا بنیاتنانا سلێمانیێ دا په‌یامه‌ك به‌لاڤكر و راگه‌هاند، سلێمانیێ رۆل و پێگه‌هه‌كێ دیار د خه‌بات و قوربانیدانێ دا بۆ ئازادى و سه‌رفه‌رازیا گه‌لێ مه هه‌بوویه.
سه‌رۆكێ هه‌رێما كوردستانێ د په‌یامه‌كێ دا ب هه‌لكه‌فتا 239 سالیا بنیاتنانا باژێڕێ سلێمانیێ نڤییسیه: "د سالڤه‌گه‌را پایته‌ختێ ره‌وشه‌نبیرى یێ كوردستانێ دا گه‌رمترین پیرۆزباهیان ل خه‌لكێ باژێڕێ هه‌لمه‌ت و قوربانیێ دكه‌م".
نێچیرڤان بارزانى، سه‌رۆكێ هه‌رێما كوردستانێ د په‌یاما خۆ دا گۆت: هه‌رده‌م سلێمانی باژێڕه‌كێ زندى بوویه و رۆل و پێگه‌هه‌كێ دیار د خه‌بات و قوربانیدانێ بۆ ئازادى و سه‌رفرازیا گه‌لێ مه دا هه‌بوویه.
سه‌رۆكێ هه‌رێمێ د داویا په‌یاما خۆ دا ئۆمێدا ئاڤه‌دانى و گه‌شه و پێشكه‌فتنا به‌رده‌وام بۆ سلێمانیێ و هه‌موو باژێرێن دى یێن كوردستانێ خواست.