چار كه‌س ب تۆمه‌تا بازرگانیكرن ب مادده‌یێن هشبه‌ر هاتنه‌ ده‌سته‌سه‌ركرن

رێڤه‌به‌ریا نه‌هێلانا مادده‌یێن هشبه‌ر گرتنا چار كه‌سان ل گه‌ل هنده‌ك مادده‌یێن هشبه‌ر راگه‌هاند و دیاركر، ل گۆڕه‌یى قانوونێ دێ هه‌مبه‌رى دادگه‌هێ بن.
رێڤه‌به‌ریا نه‌هێلانا مادده‌یێن هشبه‌ر ئه‌ڤرۆ پێنجشه‌مبێ راگه‌هاندنه‌ك به‌لاڤكر و دیاركر، دوهى ژ ئه‌نجامی كۆمكرنا زانیاریان و دویفچونێن به‌رده‌وام و ب بڕیارا دادوه‌رێ لێكۆلینان ئه‌و شیاینه‌ چار تۆمه‌تبارێن مه‌ترسیدار كو كارێ بازرگانیكرن ب مادده‌یێن هشبه‌ر دكرن ده‌سته‌سه‌ر بكه‌ن.
هه‌روه‌سا دیاركریه‌، ئێك كیلۆگراما مادده‌یێن هیرۆین، كریستال و جامایكا ل گه‌ل وان بوویه‌ و ل گۆڕه‌یى قانوونێ دێ ئه‌و هه‌مبه‌رى دادگه‌هێ بن.