وەزیرێ بەرگرییا ئەمریكا ڕاگەهاند، هێزێن ئەمریكا ب فەرمانا ڕاستەوخۆ یا سەرۆكێ وی وەلاتی بنگەهەكێ سوپایێ پاسداران كرە ئارمانج.
لوید ئۆستن، وەزیرێ بەرگرییا ئەمریکا ئاشكەراكر، هێزێن ئەمریکا ب فەرمانا ڕاستەوخۆ یا جۆ بایدن، سەرۆکێ ئەمریکا بنگەهەكێ گڕووپێن چەکدار یێن سەر ب سوپایێ پاسداران ڤە ل سووریا بۆردومانكر.
گۆت ژی: " ئەو هێرشە ب دوو فڕۆکەیێن F15 بۆ سەر کۆگەهەكا چەكی هاتییە ئەنجامدان وەك ڕێکكارەکا بەرگری ژ خۆکرنێ و بەرسڤەك بۆ وان هێرشێن کو ژلایێ گڕووپێن سەر ب سوپایێ پاسدارێن ئیرانێ ڤە ل عیراق و سووریا بۆ سەر هێزێن وان هاتینەكرن، ئەمریکا ب تەمامی یا ئامادەیە بۆ گرتنەبەرا پێنگاڤێن دیتر و پێدڤی بۆ بەرگریکرنێ ژ هێز و بنگەهێن خۆ. "