ب سەرپەرشتییا سەرۆكێ جڤاتا وەزیرێن هەرێما كوردستانێ، جڤاتا وەزیران دێ كۆبیت ودێ گۆتۆبێژان سەر سێ تەوەرێن گرنگ هێتەکرن.
ئەڤرۆ چارشەمبی 22 /11 /2023، ب سەرپەرشتیا مەسرور بارزانی، سەرۆک وەزیرێن هەرێما کوردستانێ و بەرهەڤبونا قوباد تاڵەبانی، جێگرێ سەرۆک وەزیرانی، جڤاتا وەزیران دێ كۆمبیت، د برگا ئێکێ یا کۆمبونێدا جڤاتا راژەیا گشتی، دێ راپۆرتەکێ سەبارەت ب میلاکێن گشتی یێ حکوومەتا هەرێما کوردستانێ و دەرئەنجامێن پرۆسا هویربینیا هەڤبەشا هەردوو دیوانێن چاڤدێرییا داراییا فیدراڵی و هەرێما كوردستانێ دیاردکەت.
برگا دویێ کۆمبوونێ، دێ تایبەت بیت ب دیارکرنا کۆنڤیسا کۆمبوونا هەڤبەشا وەزیرێ داد و وەزیرێ هەرێما كوردستانێ بۆ کاروبارێن پەرلەمانی و سەرۆکێ جڤاتا شوورایا هەرێما کوردستانێ، تایبەت ب دیاریکرنا چارچوڤێ یاسایێ ئەو یاسا و بڕیارێن پەرلەمانێ کوردستانێ، کۆ پشتی 6ێ تشرینا دویێ 2022، کەتبینە د وارێ بجهئینانێ دا .
د برگا سێ و دیماهێیدا، دوو مژاران دێ دیارکەن، سەبارەت ب بجهئینانا برگە و مادەیا یاسایا چاکسازیێ، کۆ ل سەر راسپاردێ نڤیسینگەها سەرۆک وەزیریرانی هاتیە پێشنیاز کرن بێخنە بەردەستێ جڤاتا وەزیران.