پەرلەمانێ ئیراقێ ئەڤرۆ بۆ جارا ئێکێ پشتی دویرئێخستنا محەمەد حەلبووسی کۆمبوو و د کۆمبوونێ دا پرۆژەقانوونا هەموارکرنا قانوونا کۆمسیۆنا هەلبژارتنێن ئیراقێ پەسەندکر.
پرۆژەقانوونا هەموارکرنا قانوونا کۆمسیۆنا بلندا هەلبژارتنێن ئیراقێ ئەڤرۆ کەفتە بەر دەنگدانێ و ب پرانیا دەنگێن ئەندامێن پەرلەمانی تەمەنێ کارکرنا کۆمسیۆنێ بۆ شەش هەیڤێن دی هاتە درێژکرن.
بریاربوو پەرلەمانێ ئیراقێ د روینشتنا ئەڤرۆ دا سەرۆکەکێ نوی ژی بۆ پەرلەمانی ل شوینا محەمەد حەلبووسی ب هەلبژێریت، لێ ئەو برگە بۆ دەمەکێ نەدیار هاتە پاشخستن.