ئاکرێ نیوز
دکتۆر هەڤال صدیق اسماعیل، رێڤەبەرێ گشتی یێ وەبەرهێنانێ ل پارێزگەها دهۆکێ ڕاگەهاند، پشتی پێکئینانا کابینەیا نەهێ یا حکومەتا هەرێما کوردستانێ 65 مۆلەت بۆ پڕۆژەیێن وەبەرهێنانێ هاتینە دان کو کۆژمێ ئەوان پڕۆژەیان نێزیکی 700 ملیۆن دۆلارانە.
رێڤەبەرێ گشتی یێ وەبەرهێنانێ، دەربارەی ئەوان مۆلەتێن ب سێکتەرێن جودا هاتینە دان گۆت:"سێکتەرێ پیشەسازیێ ل ڕێزبەندا دەستپێکی یا ئەوان سێکتەرایە یێن کو مۆلەت پێ هاتینە دان پاشان ژی سکتەرێن چاندن، گەشتیاری، بازڕگانی ، فێرکرن و ساخلەمی ژی دووڤدا دهێن.
دکتۆر هەڤال صدیق اسماعیل دیارکرژی، ل دووڤ بڕیارا جەنابێ سەرۆکێ حکومەتا هەرێما کوردستانێ مەسروور بارزانی، پێدڤیە 75% یا دەستێ کاری بۆ وەلاتییێن ناڤخۆ بیت، لەورا ژی کەرتێ وەبەرهێنانێ شیایە زێدەتری 120 هزار دەلیڤەیێن کاری دابین بکەت کو 20 هزار ژ ئەوان دەلیڤەیان راستەوخۆ نە و 100 هزارێن دیژی نە راستەوخۆ هاتینە دابینکرن.