به‌رپرسێ لقێ سێ یێ پارتى دیمۆكراتى كوردستان ل کەرکووکێ ڕاگه‌هاند، " ئه‌ڤرۆ ب ئاماده‌بوونا به‌رپرسێن حزبى و په‌رله‌مانتار و جه‌ماوه‌رێ پارتى دیمۆكراتى كوردستان ل باژێڕێ كه‌ركووكێ، باره‌گایێ لقێ 3 یێ پارتى ڤەكر و دێ ده‌ست ب كۆمبوونێن جه‌ماوه‌ری و سه‌رەدانا دۆست و لایەنگرێن پارتی ل باژێڕێ کەرکووکێ كەین و په‌یاما خۆ گه‌هینین. "
محه‌مه‌د كه‌مال، به‌رپرسێ لقێ سێ یێ پارتى دیمۆكراتى كوردستان ل باژێڕێ کەرکووکێ گۆت ژی: " دێ بزاڤان كەین مە بەرنامەیەكێ تایبەت هەبیت بۆ ڕەوشا ئیداری یا كەركووكێ و ئیدارا نوكە بگوهوڕین بۆ بەرنامەیەكێ باشتر و خەلكەكێ ژ هەژیتر بهێنە دانان، هەروەسا دێ بەرنامەكێ تایبەت هەبیت بۆ هەلبژارتنێن جڤاتا پارێزگەهان. "
پشتی ڕوودانێن 16 ئۆكتۆبه‌رێ باره‌گایێن پارتى دیمۆكراتى كوردستان ژلایێ هێزێن سوپایێ عیراقێ و حه‌شدا شه‌عبی ڤە هاتنە داگیركرن، بۆ هەلبژارتنێن جڤاتا پارێزگەها کەرکووکێ پارتى هەمی بارەگایێن وی باژێڕی وەرگرتن و ئه‌ڤرۆ ب بەرهەڤبوونا جەماوەرەکێ زۆر باره‌گایێ لقێ سێ ل کەرکوک هاتە ڤەکرن.