سه‌رۆكێ هه‌رێما كوردستانێ دگه‌ل بالیۆزێ ژاپۆنێ كۆمبوو و ل دووڤ راگه‌هاندنا سه‌رۆكایه‌تییا هه‌رێما كوردستانێ، به‌حسا په‌یوه‌ندییێن هه‌ولێر و به‌غدا و بابه‌تێن بودجه و مووچه‌یێ فه‌رمانبه‌ران كر.
سه‌رۆكایه‌تییا هه‌رێما كوردستانێ راگه‌هاند، نێچیرڤان بارزانى سه‌رۆكێ هه‌رێما كوردستانێ د دیداره‌كێدا دگه‌ل فوتۆشى ماتسومۆتۆ بالیۆزێ ژاپۆن ل عیراقێ كۆمبوو، د كۆمبوونا واندا به‌حسا پێشڤه‌برنا زێده‌تر یا په‌یوه‌ندییێن ژاپۆنێ دگه‌ل عیراقێ و هه‌ریما كوردستانێ ب تایبه‌تى دبوارێ ئابووریدا، گرنگییا سه‌قامگێرییا سیاسى و ئه‌منى بۆ وه‌به‌رهێنانێن بیانى و ژاپۆنى ل عیراقێ هاته كرن.
وه‌كو دراگه‌هاندنێدا هاتى، هه‌ردوو لایه‌ن ل سه‌ر هندێ دهه‌ڤرابوون كو پێدڤییه ئارامییا سیاسى و ئه‌منی ل عیراقێ یا پاراستى بیت، داكو زه‌مینه‌یه‌كا گونجاى یا سه‌رمایه‌گوزاری و وه‌به‌رهێنانێن بیانى بهیته ره‌خساندن، چالاكییێن كه‌رتێ تایبه‌ت پتر بهێنه پێشڤه‌برن، هه‌روه‌سا به‌حسا وان ده‌رفه‌ت و بواران هاته كرن یێن كۆمپانییێن ژاپۆنێ ل عیراقێ و هه‌رێما كوردستانێ دشێن تێدا كار بكه‌ن.
په‌یوه‌ندییێن هه‌ولێر – به‌غدا و بابه‌تێن بودجه و مووچه و شایسته‌یێن داراییێن هه‌رێما كوردستانێ، دووماهى پێشهاتێن ده‌ڤه‌رێ ب گشتى و چه‌ند بابه‌تێن دییێن گرنگ، ته‌وه‌ره‌كێ دییێ دیدارێ بوو.
سه‌رۆكایه‌تییا هه‌رێما كوردستانێ راگه‌هاند، نێچیرڤان بارزانى سه‌رۆكێ هه‌رێما كوردستانێ د دیداره‌كێدا دگه‌ل فوتۆشى ماتسومۆتۆ بالیۆزێ ژاپۆن ل عیراقێ كۆمبوو، د كۆمبوونا واندا به‌حسا پێشڤه‌برنا زێده‌تر یا په‌یوه‌ندییێن ژاپۆنێ دگه‌ل عیراقێ و هه‌ریما كوردستانێ ب تایبه‌تى دبوارێ ئابووریدا، گرنگییا سه‌قامگێرییا سیاسى و ئه‌منى بۆ وه‌به‌رهێنانێن بیانى و ژاپۆنى ل عیراقێ هاته كرن.
وه‌كو دراگه‌هاندنێدا هاتى، هه‌ردوو لایه‌ن ل سه‌ر هندێ دهه‌ڤرابوون كو پێدڤییه ئارامییا سیاسى و ئه‌منی ل عیراقێ یا پاراستى بیت، داكو زه‌مینه‌یه‌كا گونجاى یا سه‌رمایه‌گوزاری و وه‌به‌رهێنانێن بیانى بهیته ره‌خساندن، چالاكییێن كه‌رتێ تایبه‌ت پتر بهێنه پێشڤه‌برن، هه‌روه‌سا به‌حسا وان ده‌رفه‌ت و بواران هاته كرن یێن كۆمپانییێن ژاپۆنێ ل عیراقێ و هه‌رێما كوردستانێ دشێن تێدا كار بكه‌ن.
په‌یوه‌ندییێن هه‌ولێر – به‌غدا و بابه‌تێن بودجه و مووچه و شایسته‌یێن داراییێن هه‌رێما كوردستانێ، دووماهى پێشهاتێن ده‌ڤه‌رێ ب گشتى و چه‌ند بابه‌تێن دییێن گرنگ، ته‌وه‌ره‌كێ دییێ دیدارێ بوو.