ئاکرێ نیوز
رێڤه‌به‌ریا ره‌وشه‌نبیرى و هونه‌رى ل بارزان، بهه‌ڤكارى دگه‌ل بزاڤا ره‌وشه‌نبیرى ل ئاكرێ ئێڤاره‌كا ره‌وشه‌نبیرى و هونه‌رى ل ئاكرێ سازکر
ژبالخوڤە کاوە زوهێر بەرپرسێ بزاڤا رەوشەنبیری و هونەری ل ئاکرێ بۆ ئاکرێ نیوز دیارکر کو ژبۆ دروستکرنا پرێن پەیوەندیان دبیاڤێ رەوشەنبیری دا دگەل سازیێن رەوشەنبیری مە ب فەر زانی کو ئێڤارەکا رەوشەنبیری بۆ رێڤەبەریا رەوشەنبیری و و هونەریا بارزان سازبکەین و ل دەمێن داهاتی دا دێ ئێڤارەکا رەوشەنبیریا ئاکرێ ل بارزان هێتە سازکرن.
لدۆر به‌رنامه‌یێ ئێڤاریا ئەڤرو ل ئاکرێ دیارکر کو ، ڤه‌كرنا پێشانگه‌ها (گۆل و سروشت) ژبۆ فوتۆگرافه‌ر (تاهر ئالكه‌یى)
دگەل سمیناره‌كێ بۆ نڤیسه‌ر( فاخر مه‌لا عه‌لى) لژێرناڤێ (ژێده‌رێ هزار ژینگه‌پارێزى ل ده‌ڤه‌را بارزان .
هەروەها سمیناره‌ك بۆ نڤیسه‌ر (حازم بله‌یى)لژێر ناڤێ(جینوسایدا بارزانیان)
و سمیناره‌ك دیتر بۆ(سۆران ئه‌میر عه‌بدوللا) رێڤه‌به‌رێ شوێنه‌وار و كه‌له‌پوریا مێرگه‌سۆرێ، لژێر ناڤێ( گرنگییا شكه‌فتا شانده‌ر بۆ گه‌شت و گۆزارێ)
هەر دچارچووڤێ ڤێ ئێڤارێ دا دوو پەرتووک هاتنە ناساندن و ئیمزاكرن ئەو ژی رۆمانا (مه‌لا فه‌خرى) یا نڤیسه‌ر(كرمانج چالى)
و ناساندن و ئیمزاكرنا په‌رتووكا( ریفراندۆم) یا نڤیسه‌ر (معرووف حه‌سه‌ن) .