سه‌رۆكێ هه‌رێما كوردستانێ په‌یامه‌كا پیرۆزباهیێ ب هه‌لكه‌فتا جه‌ژنا جه‌مایێ به‌لاڤكر

سه‌رۆك نێچیرڤان بارزانى د په‌یاما خۆ دا جه‌ژنا جه‌مايێ ل هه‌مى ئێزدیێن ل كوردستانێ، ئیراقێ و ل هه‌ر ده‌ره‌كا جيهانێ بن پیرۆز كر و هیڤى خواست، جه‌ژن و بێهنڤه‌دانه‌كا ئارام و ته‌نا ببوورينن و جه‌ژن و هه‌لكه‌فتێن بهێن ژبۆ هه‌ميان د ڕه‌وشه‌كا باشتردا ڤه‌گه‌ڕن.
هه‌روه‌سا سه‌رۆكێ هه‌رێما كوردستاانێ ب ڤێ هه‌لكه‌فتێ جاره‌كادى ئێزدى پشتڕاستكرن،  وه‌كو هه‌رده‌م دێ پشته‌ڤانێن ماف و داخوازى يێن وان بن و گۆت ژى " كار و بزاڤێن مه‌ يێن ڕزگاركرنا ڕه‌ڤاندى يێن ئێزدى دێ هه‌ر د به‌رده‌وام بن، هه‌روه‌سا كوردستان ژبۆ هه‌مى پێكهاتێن وێ يێن ئۆلى و نه‌ته‌وه‌يى دێ هه‌ر مينيت وه‌لاتێ پێكڤه‌ژيانێ".