وه‌زاره‌تا به‌رگریا ئه‌مریكا راگه‌هاند، ئه‌ڤرۆ ئه‌ینیی وان دو كۆگه‌هێن چه‌كى ل رۆژهه‌لاتا سووریا كرینه ئارمانج، كۆگه‌هـ ژ ئالیێ چه‌كدارێن نێزیكى ئیرانێ ڤه هاتینه بكارئینان.
ئه‌ڤرۆ سپێدێ ئه‌ینیێ 27-10-2023یێ وه‌زیرێ به‌رگریا ئه‌مریكا، لوید ئۆستن گۆت: سوپایێ ئه‌مریكا دو كۆگه‌هێن چه‌ك و ته‌قه‌مه‌نیان ل رۆژهه‌لاتا سووریا كرینه ئارمانج و ئه‌و ژ ئالیێ گرۆپێن چه‌كدار یێن نێزیكى ئیرانێ ڤه هاتینه بكارئینان.
هه‌روه‌سا دیاركر، ئه‌و هێرش به‌رسڤا زنیجره‌یا هێرشێن نه‌سه‌ركه‌فتى یێن گرۆپ و میلیشیایێن نێزیكى ئیرانی بوویه ل ئیراق و سووریا كو هێزێن ئه‌مریكى كربوونه ئارمانج.
لوید ئۆستن دبێژیت: د هێرشێن وان گرۆپ و میلیشیایان دا سه‌ربازه‌كێ ئه‌مریكى ژیانا خۆ ژ ده‌ست دایه و 21 سه‌رباز ژى بریندار بووینه و هه‌ر هه‌موو باش بووینه و بۆ سه‌ر كارێ خۆ ڤه‌گه‌ڕیاینه.