نێچيرڤان بارزانى، سه‌رۆكێ هه‌رێما كوردستانێ سپێدەهییا ئەڤرۆ پێشوازى ل كريستيانه هۆمان، باليۆزا نوی یا ئه‌لمانيا ل عیراق و شاندێ دگەلدا كر كو ژ هژمارەكا ديپلۆماتكار و پله‌دارێن سه‌ربازى پێكهاتبوون.
د كۆمبوونێدا نێچيرڤان بارزانى، پيرۆزباهییا دەستبكاربوونێ ل بالیۆزا نوی یا ئەلمانیا كر و هیڤیا سەركەڤتنێ بۆ خواست، هەردوو لایان كەیفخۆشییا خۆ بۆ ئاستێ پەیوەندییێن ئەلمانیا دگەل عیراق و هەرێما كوردستانێ دیاركر و بەحس ل بەرفرەهكرنا زێدەتر یا پەیوەندی و هاریكارییێن هەڤبەش كر.
هەروەسا هه‌ردوو لایان باشتربوونا ڕەوشا ئەمنی یا عیراقییان ب گرنگ ل قەلەمدا، دووپات ل هندێ كر هێشتا داعش مه‌ترسييه‌كا ڕاسته‌قينه‌يه و هێرشێ ل ئاسايش و سه‌قامگيرى دكەت و دڤێت بەردەوام د بەرهنگاربوونێ دابن، نێچيرڤان بارزانى سوپاسییا ئه‌لمانيا كر بۆ پشتەڤانییا سەربازی و مرۆڤی ل عیراق و هەرێما كوردستانێ.
د كۆمبوونێدا ڕەوشا سیاسییا عیراقێ، پێدڤی و گرنگییا ب جهئینانا سیسیتەمێ فیدرالی ل عیراقێ گۆتۆبێژكر، نێچيرڤان بارزانى دووپات كر سه‌قامگيرییا عیراقێ دڤێت سيستەمێ فيدرالی ب دروستاهی جێبه‌جێ و جێگیر بكەت.
هەروەسا بەرفرەهكرنا ئالۆگۆڕییا بازرگانيیا ئه‌لمانيا دگەل عیراق و هه‌رێما كوردستانێ، بزاڤ بۆ بەرفرەهكرنا ژێدەرێن داهاتی ل عیراق و دووماهیك پێشهاتێن دەڤەرێ ب گشتى گۆتۆبێژكر