جڤاتا وه‌زیرێن هه‌رێما كوردستانێ راگه‌هاند، ئه‌و دووپات دكه‌ن كو پێدڤییه مووچه‌خۆرێن هه‌رێما كوردستانێ وه‌كو هه‌موو مووچه‌خۆرێن پارێزگه‌هێن عیراقێ هه‌یڤانه بێى ئاریشه و ئاسته‌نگ مووچه‌یێ خوه ب رێكا داموده‌زگه‌هێن فه‌رمییێن حكومه‌تا هه‌رێما كوردستانێ وه‌ربگرن.
دكۆمبوونێدا ئاماژه ب هه‌ماهه‌نگییا وه‌زاره‌ت و داموده‌زگه‌هێن حكومه‌تا هه‌رێما كوردستانێ هاته‌كرن، كو هه‌موو زانیارییێن پێدڤى داینه لژنه‌یا هه‌ڤپشك، ب ڤى جۆرى ژى حكومه‌تا هه‌رێما كوردستانێ ئه‌وا ل سه‌ر وێ پێدڤى بوویه، بجهئینایه و ئێدى ئه‌ركێ حكومه‌تا فیدراله، مووچه‌یێ مووچه‌خۆرێن هه‌رێمێ ب رێكا دامه‌زراوه‌یێن فه‌رمییێن حكومه‌تا هه‌رێمێ، وه‌كو شایسته‌یێن وان یێن دارایى بده‌ت و ئێدى ب ناكۆكی و ئاریشه‌یێن سیاسیڤه گرێنه‌ده‌ت، پێدڤییه ب ئێك چاڤ ته‌ماشه‌ى هه‌موو مووچه‌خۆران ل سه‌رانسه‌رى عیراقێ بهێته‌كرن.
جڤاتا وه‌زیران دیاركر، وه‌لاتییێن عیراقا فیدرال ب هه‌رێما كوردستانێڤه ل به‌رده‌م قانوونان د یه‌كسانن، نابیت جیاكارى د پێدانا شاسته‌یێن مووچه‌خۆراندا ل ژێر چ بهانه‌یان بهێته‌كرن.