بەرپرسێ لقێ9 پارتی دیموکراتی کوردستان دیارکر ، پشتی کۆنگرەیێ پارتی فۆکسامە لسەر وێ چەندێ یە کو خزمەتا هەموو دەڤەرێن هەرێمێ بهێتەکرن بێ جوداهی.
دکتۆر مەردان خدر ، بەرپرسی لقێ9 پارتی دیموکراتی کوردستان، بۆ ماڵپەڕێ فەرمیێ پارتی دیموکراتی کوردستان دیارکر: کابینەیا نەهێ یا حکوومەتا هەرێما کوردستانێ ب کابینەیا خزمەتگوزاریان دهێتە نیاسین ، و ژ دەر ئەنجامێ سەردانا سەرۆکێ حکوومەتا هەرێما کوردستانێ بۆ ئاکرێ و بەردەڕەش ب بەردەوامی پڕۆژە دهێنە ئەنجامدان، و پرۆسەیا ئاڤەدانکرنێ و خزمەتگوزاریان بەردەوامی هەیە .
دکتۆر مەردان خدر دیارکر ژی: کو ژ دەرئەنجامێ سەرەدانا سەرۆک بارزانی ژی بۆ ئاکرێ و بەردەڕەش، لسەر ڕاسپاردەیا جەنابێ سەرۆکێ حکوومەتێ ڕەزامەندی لسەر هژمارەیەکا پڕۆژەیێن دیتر هاتە دان، پشکەک ژ وان ل ئاکرێ و بەردەڕەش دهێنە ئەنجامدان و بەرهەڤی دهێتەکرن ل رۆژێن داهاتی دا بەرێ بناغەیی ژێرا بهێتە دانان، ژوان هۆڵەکا کۆنفرانسا یا مودێرن و دووسایدێ بەردەڕەش بۆ کەلەکێ کو ل قۆناغا تەندەرێدایە و زێدەتر ل 81 ملیار دیناران بۆ هاتینە تەرخانکرن، و ل ڕۆژێن بهێت ئەو ژی دهێتە راگەهاندن.
گوت ژی: بەرنامێ کابینەیا نەهێ یا حکوومەتا هەرێما کوردستانێ ئەوە بێ جوداهی گرنگی ب هەموو دەڤەران بهێتەدان و هەردوو قەزایێن ئاکرێ و بەردەڕەش ، ب تایبەت بەردەڕەش هەست ب مەغدوریێ دکر ، لێ بەلێ ژبال کابینا 9 یا حکومەتا هەرێمێ ئەو ڤالاهی ژی نەهێلا
خویاژیکر: ئەم وەکو پارتی دیموکراتی کوردستان و لقا 9 و سەرکردایەتیا پارتی لدویڤ کۆنگرێ 14ێ یێ پارتیامە فۆکسامە زێدەتر لسەر وێ چەندێ یە بێ جوداهی خزمەتا هەموو دەڤەرێن هەرێمێ بهێتەکرن ، ب تایبەتی ژی ل دهۆک، و ل ئەنجامێ هەماهەنگیا باش دناڤبەرا حکومەتێ و حزبێ زۆرترین پەیام و دەنگ و داخوازی یا خەڵکی دگەهیتە لایەنێن پەیوەندیدار و سەرۆکی حکوومەتێ، ب تایبەتی نڤیسینگەها سەرۆکێ حکومەتێ کو زۆر یا هاریکارە بۆ وێ چەندێ خزمەتا ڤان دەڤەران بهێتەکرن.