حكومه‌تا هه‌رێمێ: هێرشا ل سه‌ر نه‌خۆشخانه‌یه‌كێ ل غه‌زه‌ ئیدانه‌ دكه‌ین

حكومه‌تا هه‌رێما كوردستانێ راگه‌هاندنه‌ك ل دۆر هێرشا ل سه‌ر نه‌خۆشخانه‌یه‌كێ ل كه‌رتێ غه‌زه‌ به‌لاڤكر و ئه‌و كاره‌ ئیدانه‌كر.
پێشه‌وا هه‌ورامانى په‌یڤدارێ حكومه‌تا هه‌رێمێ د به‌یانه‌كێ دا دیاركر "حكومه‌تا هه‌رێما كوردستانێ هێرشا ل سه‌ر نه‌خۆشخانه‌یا مه‌عمه‌دانى ل غه‌زه‌ ئیدانه‌ دكه‌ت كو ژ ئه‌گه‌رێ وێ پتر ژ 500 كه‌سان بووینه‌ قۆربانى و پتریا وان ژن و زارۆكن".
د به‌یانێ دا هاتیه‌ ژى "دوپات دكه‌ین جه‌نگ و هێرشێن سه‌ربازى چاره‌سه‌رى نینن بۆ كێشه‌یان".
حكومه‌تا هه‌رێمێ داخواز ژ جڤاكێ نێڤده‌وله‌تى كر كو "بزاڤێن خۆ بۆ پاراستنا خه‌لكێ سڤیل و بێ تاوان ژ مه‌ترسیان چڕ بكه‌ن".