ئاکرێ نیوز:
ئەحمەد جەمیل رێڤەبەرێ گشتی یێ چاندنا پارێزگەها دهۆکێ سەرەدانا قەزا ئاکرێ کر بۆ ژنزیک دیتنا رەوشا چاندنێ ب شێوەکێ گشتی و ئەو گلەو گازندەیێن جوتیارێن ناحیا دینارتێ هەی و ئاریشا بەرفرەهکرنا سنورێ گوندان هەی.
سەربەست صەبری رێڤەبەرێ ناحیا دینارتێ بۆ ئاکرێ نیوز ددەتە دیارکرن کو ئەڤرۆ ئەندازیار(ئەحمەد جەمیل)رێڤەبەرێ گشتی یێ چاندنا پارێزگەها دهۆکێ سەرەدانا گوندێ گریشا ژووری دا، مەرەم ژ ڤێ سەرەدانێ ئەوە وی ئاریشا عەردی هەبوویە و خەلکەکێ گازندێن خۆ گەهاندینە وان.
گۆت:وەکو دیار گوندێ ناڤبری روژ ب روژ رێژا ئاکنجیبوونێ یا زێدە دبیت و جهێ ئاکنجیبوونێ ل گوندی دا نەمایە،لەوما پشتی مختار و کەسایەتێن گوندی داخوازیەک ئاراستەی لایەنێن پەیوەندیدار کری کو سنورێ وان بەرفرەھ بکەن داکو خەلک لێ ئاکنجی بیت.
رێڤەبەرێ ناحیێ زێدەتر گۆت کو پشتی رێکارێن قانونی دهێنە تەمامکرن و رەزامەندیا هەمی لایەنێن پەیوەندیدار دهێتە وەرگرتن دێ سنورێ گوندی هێتە بەرفرەھکرن و ب ئاناهیا خودێ دەمەکێ نزیک دێ ماستەر پلانا وێ دەرکەڤیت و گوند دێ هێتە بەرفرەهکرن.
د بەردەوامیا ئاخفتنا خودا رێڤەبەرێ ناحیێ گۆت کو کو ئەڤ عەردێ هاتیە تەرخانکرن عەردێ وەزارەتا دارایی یە،بەری کو خەلک داران ببریت و مالێن خۆ بەنە ناڤ رەزان دا ورەزێن خۆ ببرن،عەردێ بەتال یێ هەی کو کێر چاندنێ ناهێت، مەبەست ل ڤێ ماستەر پلانێ ئەوە گوند بهێتە بەرفرەھکرن و خەلک لێ ئاکنجی بیت.