ئه‌ندامه‌كا لژنه‌یا دارایى ل په‌رله‌مانێ عیراقێ دیاركر، سوبه‌هى وه‌زیرێ دارایى دێ دگه‌ل لژنه‌یا وان كۆمبیت و به‌حسا بابه‌تێ پشكا هه‌رێما كوردستانێ و مووچه‌یێ فه‌رمانبه‌ران كه‌ن، گوت ژى : ل ئه‌ڤێ هه‌یڤێ دگه‌ل به‌لاڤكرنا مووچه‌ى ل عیراقێ، دێ ب چه‌ند كوژمه‌یان پاره بۆ هه‌رێما كوردستانێ ژى هێته هنارتن.
د. نه‌رمین مه‌عرووف ئه‌نداما لژنه‌یا دارایى ل په‌رله‌مانێ عیراقێ ئاشكراكر، سوبه‌هى ل ده‌مژمێر 11:00ى سپێدێ كۆمبوون ل لژنه‌یا دارایى ل په‌رله‌مانێ عیراقێ دێ ب رێڤه‌چیت كو یا تایبه‌ته ب پێداچوونێ بۆ پشكا هه‌رێما كوردستانێ د بۆدجه‌یدا و بجهئینانا برگه‌یێن مادده‌یێن 12 و 13 ژ قانوونا بودجه‌یا گشتییا عیراقێ.
ئاماژه ب هندێ دا، ئه‌و گازییه ل سه‌ر داخوازا فراكسیۆنێن كوردى بوو، كو ل هه‌یڤا بوورى وان داخوازكربوو چاره‌سه‌رى بۆ مووچه و شایسته‌یێن داراییێن هه‌رێما كوردستانێ بهێته دیتن.