شه‌ش سال به‌ری ئه‌ڤرۆ، دەمێ چه‌كدارێن میلیشیا، ب چه‌كێن پێشكه‌فتی و ب هاریکاریا گرووپێ نافخۆیی و ولاتێن ئیقلیمی دخواستن د رێکا پردێدا بگه‌هنه هه‌ولێرا پایته‌خت، بەلێ ژ وی میحوه‌ری رووبروویێ به‌رگریەکا گران و كێم وێنه یا پێشمه‌رگه‌ی بوون و ب سه‌دان چه‌كدار ژ وانا هاتنە كوشتن و زۆر ب توندی هاتنە شكاندن.
ئه‌ڤرۆ 20ێ ئۆكتۆبه‌رێ، سالڤه‌گه‌را داستانا پردێ یه، پشتی ھێرشا سەر باژێرێ كەركووكێ ل 16ێ ئۆکتۆبەرا 2017 ژ لایێ میلیشیایێن حەشدا شەعبی ب هاریکارییا ھێزەكا نافخۆیی هاتیە ئەنجامدان، میلیشیایێن عێراقی ل پردێ بزاڤا هێرشا سەر هەولێرێ دکر، به‌لێ هێزێن پێشمه‌رگەیێن كوردستانێ، ب درێژاهیا وێ رۆژێ بەرسڤا هێرشا ئێک ل دیف ئێکێ دا و هەمی تێك شكاندن، ل وی داستانێدا تانکەکێ ئەبرامز یێ ئەمریکی کو ئێکە ژ بهێزترین تانکێن جیهانێ و حەشدا شەعبی بكار دئینا داکۆ بگه‌هنە هه‌رێما کوردستانێ، به‌لێ ژ لایێ پێشمەرگەی هاتە پەقاندن، د وی شه‌ریدا سه‌دان چه‌كدارێن گرووپێن میلیشیا هاتنە كۆشتن، داستانا پردێ ب خوینا 6 شه‌هیدێن پێشمه‌رگه و چه‌ند بریندارەكێن دن هاتە تۆمار كرن.
ئه‌و داستان پشتی خیانه‌تا 16ێ ئۆكتۆبه‌رێ، بوویه هێزەکا مەزن بۆ خەلکێ كوردستانێ و پشترە هێزێن پێشمه‌رگەیێن كوردستانێ ل سحێلا ژی زۆر ب توندی هێرشا نه‌یارێن كوردستانێ تێك شكاند.