شانده‌كێ وه‌زاره‌تا ساخله‌میا حكومه‌تا هه‌رێما كوردستانێ ئه‌ڤرۆ گه‌هشته به‌غدا و بڕیاره دگه‌ل سه‌رۆكوه‌زیرێ ئیراقێ محه‌مه‌د شیاع سودانى كۆم ببیت ل دۆر دابینكرنا پتر یا ده‌رمان و پێدڤیێن نوشدارى و پشكا هه‌رێمێ ژ بودجه‌یا حاكیمه.
ل گۆره‌ى راگه‌هاندنه‌كا وه‌زاره‌تا ساخله‌میێ. د. سامان به‌رزنجى وه‌زیرێ ساخله‌میا هه‌رێمێ، ئه‌ڤرۆ ب سه‌رۆكاتیا شانده‌كێ وه‌زاره‌تێ سه‌ره‌دانا به‌غداكر و دێ دگه‌ل سه‌رۆك وه‌زیرێ ئیراقێ كۆم بیت.
ئه‌و ئێك ژى دیاركرى یه، سه‌ره‌دان ب مه‌ره‌ما دابینكرنا پتر ده‌رمانان بۆ هه‌رێمێ و پێدڤیێن نوشدارى و پشكا هه‌رێمێ ژ بودجه‌یا حاكیمه‌یه.
هه‌روه‌سا ل گۆره‌ى راگه‌هاندنا وه‌زاره‌تا ساخله‌میێ، دێ باس ل چاره‌كرنا كێشه‌یێن ساخله‌می و خزمه‌تگوزاریێن ئاواره و په‌نابه‌ران و پرۆژه‌یێن نیشتیمانى یێن نێڤده‌وله‌تى د وارێ ساخله‌میێ دا و چه‌ندین مژارێن دى یێن گرێداى خزمه‌تگوزاریێن ساخله‌میێ هێته كرن.