ئاکرێ نیوز:
فاكته‌رێن دبنه ئه‌گه‌رێ به‌رسۆژێ گه‌له‌كن ژوان ژی هنده‌ك جورێن خوارنێ وه‌ك ( روین، خوارنێن تیژ، شوكولاته، قه‌هوه، پیڤاز و ڤه‌خوارنێن غازی) و خۆ درێژكرن پشتی خوارنێ و هنده‌ك جورێن ده‌رمانان وه‌ك ده‌رمانێن (ئێشكێمكرنێ، كالسیوم و ده‌رمانێن بلندبوونا فشارا خوینێ)، هه‌روه‌سان جگاره‌كێشان و مه‌ی ڤه‌خوارن و قه‌له‌وی كو دبیته ئه‌گه‌رێ فشاركرنێ ل سه‌ر گه‌ده‌ی و دیسان خوارنا دانێن مه‌زن یان تژی روین ژی هه‌ر وان ئه‌نجامان ل دووڤ خۆ دهێلن، ژبۆ چاره‌سه‌ركرنا به‌رسۆژێ ژی هه‌لبه‌ت پێدڤیه سه‌نگ بهێته كونترۆلكرن و دانێن سڤك یێن خوارنێ بهێنه خوارن و جلكێن كو فشارێ ل سینگی دكه‌ن نه‌هێنه ل به‌رخوكرن و راده‌یه‌ك بۆ خوارن و ڤه‌خوارنێن تووركری وه‌كو خوارنێن قه‌لاندی و فلفل و سیر و قه‌هوه و جگاره‌كێشانێ بهێته دانان و نابیت پشتی خوارنێ ئێكسه‌ر خۆ درێژ بكه‌ین، به‌لكو باشتره پشتی بوورینا 3-4 ده‌مژمێران ژخوارنێ ئه‌م ب وێ چه‌ندێ راببین و ل ده‌مێ نڤستنێ باشتره بالیفك بهێته بلندكرن.