مەسرور بارزانی، سەرۆکێ حکومەتا هەرێما کوردستانێ پێشوازی ل ئارشاک مانۆکیان، کونسۆلێ گشتییێ ئەرمینیا ل هەرێما کوردستانێ کر، کو ب هەلكەفتا دووماهیكئینانا كارێ وی سەرەدان كربوو.
سەرۆکێ حکومەتا هەرێمێ سوپاسییا کونسۆلێ گشتییێ ئەرمینیا کر بۆ ئەو دەمێ ل کوردستانێ کار بۆ گرنگیدانا پەیوەندییێن دوو لایەنە كر و هیڤییا سەركەفتنێ ب خواست.
کونسۆلێ گشتییێ ئەرمینیا، سوپاس و پێزانینێن خۆ بۆ سازییێن پەیوەندیدار یێن حکومەتا هەرێمێ دیاركر بۆ هاریكاریكرن و پشتەڤانیكرنێ د كاریدا.