ئیبراهیم عه‌بدولمه‌جید رێڤه‌به‌رێ راگه‌هاند و په‌یوه‌ندییێن ده‌سته‌یا گه‌شتوگوزارا هه‌رێما كوردستانێ راگه‌هاند، موله‌تا چ جهێن گه‌شتیارى ژبه‌ر بكارنه‌ئینانا زمانێ كوردى نه‌هاتینه راگرتن، گه‌شتوگوزارێ دگه‌ل ده‌سته‌یا وه‌به‌رهێنانێ دیزاین بۆ 70ێ پرۆژه‌یێن نوو ئاماده‌ركرییه.
ئاماژه ب هندێ ژى دا، وان فه‌رمانه‌ك ده‌ركرییه و هه‌موو جهێن گه‌شتیارى پابه‌ندكرینه كو زمانێ كوردى وه‌كو زمانێ ئێكێ و سه‌ره‌كى ل سه‌ر تابلۆ، ناڤێن جهان و لیستێن خزمه‌تگوزارییان بكاربینن، لێ ئه‌ڤه رامانا هندێ ناده‌ت كو زمانێن دى قه‌ده‌غه‌نه، به‌رۆڤاژى وێ نه‌ریت و كولتوورێن هه‌موو گه‌شتیارن ل ده‌ڤ وان دپاراستى نه.
گوت ژى : نوكه ئه‌و بریاره چوویه دبواری بجهئینانێدا، هه‌ر جهه‌كێ موله‌تێ ده‌ربێخیت یان نوو بكه‌ت، دڤێت لیستا خزمه‌تگوزارییان دگه‌ل خوه ببه‌ت، لژنه‌یا ده‌سته‌یێ ژى دێ چیته جهێ وى، ئه‌گه‌ر زمانێ كوردى په‌یره‌وكربیت، دێ موله‌ت پێ هێته‌دان، به‌رۆڤاژى وێ مۆله‌ت بۆ ناهێته نووكرن.
رێڤه‌به‌رێ راگه‌هاندنا ده‌شته‌یا گه‌شتوگوزارێ ئاشكراكر، وان دگه‌ل ده‌سته‌یا وه‌به‌رهێنانێ نێزیكى 70ی پرۆژه‌یان ژلایێ دیزاینێ ڤه تمامكرینه، ئه‌و چاڤه‌رێى وه‌به‌رهێنه‌رانه داكو وه‌ربگرن، هه‌ر ده‌ڤه‌ره‌ك ل دووڤ پێدڤییا وێ پرۆژه‌یێن گه‌شتیارى بۆ هاتینه ئاماده‌كرن.