ئه‌ڤرۆ سپێدێ ل ناوچه‌یا چانكایا ل ناڤه‌ندا پایته‌ختا توركیا ئه‌نقه‌ره دو كه‌سان هێرش كریه و كه‌سه‌كى خۆ په‌قاندى یه و یێ دى ژى هاتیه كوشتن.
وه‌زاره‌تا ناڤخۆ یا توركیا راگه‌هاند، ئه‌ڤرۆ سپێدێ ل ده‌مژمێر 9:30 خۆله‌ك دو كه‌سان ب ترومبێله‌كا ته‌كسى قه‌ستا جادده‌یا گشتى كریه كو وه‌زاره‌تا ناڤخۆ، په‌ڕله‌مان و ئاسایشا گشتى یا توركیا ل سه‌رن و ئێكى ژ وان خۆ په‌قاندی یه و یێ دى ژى هاتیه كوشتن.
هه‌روه‌سا دیاركریه، ژ ئه‌گه‌ر په‌قینێ دو پۆلیس بریندار بووینه و بزاڤ بۆ دیاركرنا ناسنامه‌یا هه‌ر دو كه‌سان به‌رده‌وامن.
بڕیار بوو ئه‌ڤرۆ په‌ڕله‌مانێ توركیا ب ئاماده‌بوونا ره‌جه‌ب ته‌یب ئه‌ردۆگان، سه‌رۆككۆمارێ توركیا كۆمببیت و چه‌ندین مژارێن گرنگ به‌حس بكه‌ت.