ئاکرێ نیوز
لدیڤ سەرەدانا سەروک وەزیرێن هەرێما کوردستانێ ژبۆ ئاکرێ ل 22ـى 5ـى 2023 و کومبوون دگەل بەرپرسێن ئیدرای یێن باژێرێ ئاکرێ، بڕیارا جێبەجێکردنا هژمارەکا پرۆژان دا، ئێک ژوان پرۆژان نوژەنکرنا یاریگەهێن ئاکرێ و بەردەڕەش و دینارتە بوویە، کو نوکە کارێن وان دەست پێ هاتییەکرن.
هۆزەڤان زاهد، ئەندامێ دەستەیا کارگێڕی یا یانەیا ئاکرێ دیارکر کو : " لدیڤ سەرەدانا مەسروور بارزانی، سەرۆکێ حکومەتا هەرێما کوردستانێ، بڕیارەکا دلخۆشکەر دا، ئەو ژی نۆژەنکرنا یانەیێن ئاکرێ و بەردەڕەش و دینارتە بوون، کو جهێ دڵخۆشیا وەرزشڤانێن هەرسێ دەڤەران بوو ."
گوت ژی: " کارێن ڤان پرۆژان زۆر ب باشی برێڤە دچن، ب هیڤیا وێ چەندێ ل هەیڤا 12 دوماهی پێ بهێت و یانەیا ئاکرێ ل گەرا دوویێ یا خولا کوردستانێ ل یاریگەها نوی یا ئاکرێ یاریێ بکەت ."
یاریگەها یانەیا وەرزشی یا ئاکرێ زێدەتر ل 5 هەزار هاندەران بخوڤە دگریت، ب بڕیارا سەرۆک وەزیرێن هەرێمێ دهێتە نوژەنکرن ب کوژمێ 303 ملیۆن دیناران.
ژبلی ڤێ یاریگەهێ، دوو یاریگەهێن دێ یێن یاریا تەپا پێ ل قەزا بەردەڕەش و ناحیا دینارتێ دهێنە نۆژەنکرن، ب کوژمێ 580 ملیۆن دیناران، و ل ماوەکێ نزیک کارێن نوژەنکرنا وان یاریگەهان دێ ب داوی هێن .