ڕۆژنامەیا سەباح یا حكومەتا عیراقێ د هژمارەیا ئەڤرۆدا بەلاڤكریە، ئەو سەرەدانا شاندێ هەرێما كوردستانێ كو ب سەرۆكایەتییا مەسرور بارزانی هاتییە ئەنجامدان، پێنگاڤەكا گرنگە بۆ چارەسەركرنا ئاریشەیێن دناڤبەرا هەولێر و بەغدا دا.
دهەمان دەمدا عەلی فەزلەلا، ڤەكۆلەرێ سیاسی بۆ ڕۆژنامەیا سەباح دیاركریە، ئەو نێزیكبوونا د ئەڤێ دووماهیكێدا و ب تایبەت پشتی سەرەدانا مەسرور بارزانی و شاندێ هەرێما كوردستانێ بۆ بەغدا و دیدارێن دگەل محەمەد شیاع سوودانی و بەرپرسێن دی یێن حكومی و سیاسییێن عیراقێ، دێ گهۆرینان ل سەر چارەسەركرنا هەمی قەیرانان و قەیرانا دارایی ژی دروست كەت.
هەروەسا دیاركر، ئەڤ نێزیكبوونە دێ كاریگەریێ ل سەر سەقامگیرییا ڕەوشا سیاسی كه‌ت و ڕەنگڤەدانەكا ئەرێنی لسەر كاركرنا حكومەتا فیدڕال ژی هەبیت