پشتى روودانا حه‌مدانییه كو بۆ ئه‌گه‌رێ گیان ژده‌ستدانا 93 كه‌سان و برینداربوونا زێده‌تر ژ 100 كه‌سان، سه‌رۆكوه‌زیرێن عیراقێ ماته‌مینه‌یا گشتى ژ ئه‌ڤرۆ بۆ ماوێ سێ رۆژان ل سه‌رانسه‌رى عیراقێ راگه‌هاند.
نڤیسینگه‌ها محه‌مه‌د شیاع سوودانى سه‌رۆكوه‌زیرێن عیراقێ راگه‌هاند، سێ رۆژ ماته‌مینه‌یا گشتییه ل عیراقێ، ژ ئه‌گه‌رێ روودانا ئاگربه‌ربوونێ ل هۆله‌كا هه‌لكه‌ڤتان ل حه‌مداییه كو ب گوتنێن وه‌زیرێ ناڤخۆ یێ عیراقێ، هه‌تا نوكه 93 كه‌سان گیانێ خوه ژ ده‌ستدایه و زێده‌تر ژ 100 كه‌سان ژى برینداربووینه.
ماته‌مینه‌یا گشتى ژ ئه‌ڤرۆ دێ ده‌ستپێكه‌ت و ل رۆژا شه‌مبییێ ب دووماهى هێت، ل دووڤ راگه‌هاندنا سه‌رۆكوه‌زیرێن عیراقێ، ئه‌ڤ ماته‌مینه‌یه وه‌كو به‌هییه‌كێ یه بۆ وان قۆربانییێن ل سۆتنا هۆلا حه‌مدانییه ل ده‌ڤه‌را ده‌شتا نه‌ینه‌وا گیانێ خوه ژ ده‌ستداین.