ئاکرێ نیوز
ل هۆلا کومبوونا یا رێڤەبەریا ساخلەمیا ئاکرێ ب سەرپەرشتیا شەعبان خلیل قایمقامێ قەزا ئاکرێ ب ئامادەبوونا رێڤەبەرێن ناحییێن سەر ب قەزا ئاکرێ و رێڤەبەرێن سازیێن پەیوەندیدار کومبوونەک بۆ بەرهەنگاربوونا نەخوشیا کولێرایێ هاتە ئەنجامدان.
دکومبوونێ دا دکتور سروار مصلح مصطفی رێڤەبەرێ ساخلەمیا ئاکرێ بەحس ل هوکارێن ڤێ نەخوشیێ و رێکێن رێگێریکرنێ ل سەر بەلاڤبوونا نەخۆشیێ کر،پاشی دیارکر کو هەتا نوکە ب خوشبەختانە چ حالەتێن نەخوشیا کولێرایێ ل سنورێ ئاکرێ نەهاتینە تومارکرن.
ل دوماهیێ دیارکر کو دڤێت هەمی رێک بهێنە ب کارئینان بۆ ڤێ چەندێ ئەڤ نەخوشیە نەگەهیتە ئاکرێ و داخازێ ژ خارنگەهــ و کافیتریا دکەین کو پێگیریێ ب رێنماییێن ساخلەمیێ بکەن داکو دویربین ژ هەرحالەتەکی و هەر لایەنەکێ پێگێریێ ب رێنمایا نەکەن دێ ب توندی هێتە سزادان و بریار هاتەدان چاڤدێریەکا بەردەوام بهێتە کرن .