ئاکرێ نیوز:
ملا جەوهەر حدێ رێڤەبەرێ ئەوقافا ئاکرێ بۆ ئاکرێ نیوز دا دیارکرن کو وەکو هەرسال رێڤەبەریا ئەوقافا ئاکرێ و لقا ئێکەتیا زانیایێن ئاینی ل ئاکرێ رابووینە ب ساخکرنا یادا پێغەمبەرێ خۆشتڤی(محمد)س.خ،کو یادەکا دیروکی یە ل ناڤ کوردان دا دهێتە ساخکرن.
زێدەتر گۆت کو دوهی ژی ب چەند چالاکیان ئەڤ یادە هاتیە ساخکرن و ئەڤرۆ ژی ب ئامادەبوونا کەسایەتیێن ئاینی و حیزبی و خەلکی ل مزگەفتا مەزنا ئاکرێ ب گوتنا سرودێن ئاینی و دابەشکرنا شریناهیان و خواندنا قورئانێ و ل ناحیە
و گوندان ئەڤ یادە بەرز هاتە ساخکرن.
رەمەزان ملا محمید هاولاتیەکێ گوندێ گیرەیە دەڤەرا نەهلێ بۆ ئاکرێ نیوز گۆت کو ئەڤرۆ هاولاتیێن گوندی ب زارۆک و گەنج و دانعەمرڤە بۆ ساخکرنا یادا پێغەمبەرێ ئیسلامێ(محمد)س.خ قەستا مزگەفتا گوندی کریە و پێکڤە سرودێن ئاینی دخوینن و شریناهیا ل سەر زارۆکێن گوندی دابەش دکەن و هەر مالەکێ خوارن دگەل خۆ ئینا بۆ مزگەفتێ و هەمی خەلکێ گوندی پێکڤە خوارن ل مزگەفتێ خوار.
