سەرۆک نێچیرڤان بارزانی ئەڤرۆ پشتی نیڤرۆ پێشوازی ل جەنەرال جۆول ڤاول، فەرماندارێ هێزێن هەڤپەیمانان ل ئیراق و سووریێ کر و زێدەباری ژناڤبرنا داعشێ، هەردو ئالیان بەحسا پرۆسەیا چاکسازی و ئێکخستنا هێزێن پێشمەرگەی کر.
سەرۆکاتیا هەرێما کوردستانێ راگەهاند: نێچیرڤان بارزانی، سەرۆکێ هەرێما کوردستانێ ئەڤرۆ پشتی نیڤرۆ پێشوازی ل جەنەرال جۆول ڤاول، فەرماندارێ هێزێن هەڤپەیمانان ل ئیراق و سووریێ کر و بەرهنگاریا تیرۆرێ و نەهێلانا داعشێ ل ئیراق و سووریێ ئێک ژ تەوەرێن سەرەکی یێن کۆمبوونێ بوو.
هەر د کۆمبوونێ دا بەحس هاتیە کرن کو پێدڤیە هاریکاریا وان وەلاتیان بهێتە کرن یێن ژ دەست داعشێ رزگار دبن یان ژ کەمپان دەردکەڤن و رێ نەهێتە دان جارەکا دی راستی توندڕەویێ ببن.
د کۆمبوونا ئەڤرۆ دا، سەرۆک نێچیرڤان بارزانی و جەنەرال جۆول ڤاول هەڤرابوون کو زێدەباری هندەک پێشڤەچوونێ، لێ کێشەیێن جدی د پرۆسەیا چاکسازی و ئێکخستنا هێزێن پێشمەرگەی دا هەنە و سەرۆک نێچیرڤان بارزانی پێگیریا هەرێما کوردستانێ و بەردەوام کارکرن بۆ سەرخستنا پرۆسێ و ئێکخستنا هێزێن پێشمەرگەی دوپات کریە.