نڤیسینگەها ڕاگەهاندنا سەرۆكوەزیرێن عیراقێ بەلاڤكریە، ئەڤرۆ محەمەد شیاع سوودانی، سەرۆكوەزیرێن عیراقێ پێشوازی ل مەسرور بارزانی، سەرۆكێ حكومەتا هەرێما كوردستانێ و جێگرێ وی و شاندێ دگەلدا كر.
د وێ ڕاگەهاندنێدا هاتییە، د كۆمبوونێدا دۆپاتی ل سەر پێدڤییا چارەسەركرنا كێشەیێن یاسایی و دارایی یێن دناڤبەرا هەردوولایان دا هاتنەكرن ل دویڤ دەستووری.
دیار ژی كریە، د كۆمبوونێدا سوودانی ئاماژە ب وێ یەكێ دایە كو كارناما حكومەتا نوكە یا عیراقێ پشتبەستنێ ل سەر بنەمایێ پێشڤەبرنا ئارامییا بەردەوام و دویر ژ ناكوكییان دكەت. دۆپاتی ژی ل سەر جددیەتا حكومەتا خۆ بۆ گەهشتنا چارەسەرییێن ڕیشەیی بۆ مامەلەیێن ل گەل هەرێما كوردستانێ كر.
هەروەسا سوودانی گۆتییە: حكومەتا وی كار ل سەر وێ یەكێ دكەت كو گەرەنتییێ بكەت داخوازا ژیانەكا شایستە بۆ وەلاتییێن عیراقێ و هەرێما كوردستانێ، نەكەڤیتە بن هیچ كارتێكرنەكا یاسایی یان كارگێری