وەزارەتا كۆچ و كۆچبەرێن عیراقێ ل گەل ڕێكخراوا نەتەوێن ئێكگرتی دێ نەخشەڕێیەكێ بۆ داخستنا كەمپێن ئاواران ل هەرێما كوردستانێ گوتوبێژكەن.
عەلی جیهانگیر، په‌یڤدارێ وەزارەتا كۆچ و كۆچبەرێن عیراقێ ڕاگەهاند، ئەو ل گەل ڕێكخراوێن نەتەوێن ئێكگرتی مژویلی گوتوبێژكرنا نەخشەڕێیەكێ نە بۆ پشتەڤانیكرنا ڤەگەڕاندنا ئاواران بۆ سەر جهـ و وارێن وان و داخستنا كەمپێن وان ل هەرێما كوردستانێ.
دیار ژی كر، ئەو نەخشەڕێیە تایبەتە ب پشتەڤانیكرنا ئەوان ئاوارێن ڤەدگەڕنە جهێن خۆ كو ئاسانكاری بۆ وان بهێنەكرن و پشتی گوتوبێژكرنا وێ دێ چیتە د بوارێ بجهئینانێ دا. ئەڤ نەخشەڕێیە ژی دێ بیتە پێنگاڤا تەمامكرنا پلانا وەزارەتا كۆچ و كۆچبەران بۆ ڤەگەڕاندنا ئاواران و داخستنا كەمپێن وان ل هەرێمێ.
ل سنۆرێ هەرێما كوردستانێ 15 كەمپێن ئاواران هەنە، شەش ل هەولێرێ، چوار ل سلێمانییێ و پێنج كەمپە ل دهۆكێ كو نێزیكی 600 هزار ئاواران دناڤدا هەنە.