ئاکرێ نیوز:
خۆین بەخشین ئانکو بەخشینا خوینێ بۆ کەسەکێ دی، ئەڤ چەندە وی دەمی پەیدا دبیت، دەمێ کەسەکێ خوینا وی یا زێدە بیت و قەستا بەنکا خوینێ دکەت د نەخۆشخانێ دا،داکو خۆینا خۆ بەردەت، یا پتر بەربەلاڤ ناڤ خەلکێ مەدا دەمێ دبینن لاشێ وان دئێشیت تایبەتی سەر و ناڤ ملێن وان هزردکەن خوینا وان یا زێدەیە، لێ هەمی دەمان ئەڤ ئێشانە ژبەر خۆینا زور نیە،هندەک جاران ئەگەرێن دی نە، لێ بۆ خۆین بەخشینێ ڤێت تۆ رێژا خۆینا خۆ بزانی و ئەو خالێن گرنگ بزانی بەری خوینێ بەردەیی، داکو چ مەترسی بۆ تە دروست نەبن.
ئەو کەسێ کو خۆینێ بەخشیت پێدڤیە ئەڤ خالە لدەف هەبن:
ــ ژیێ وی ناڤبەرا ۱۷ــ ٦٦سالیێ بیت
ــ نابیت تا لێ بیت
ــ دڤێت لێدانێن دلی و فشارا خۆینا وی یا نورمال بیت
ــ نابیت چ نەخوشی هەبن تایبەت گرێدایی خوینێ بن
ــ نابیت یێ ب روژی بیت
ــ نابیت دەرمانێن خۆین شلبوونێ بکاربینیت ژ وان ژی ئەسپرینێ
ــ ئەو کەسێ خۆینێ ددەت هەکە ئافرەت بیت نابیت یا دووگیان بیت
ــ دڤێت رێژا هیمۆگلوبینێ ل زەلامی دا(۱۳.٥)گرام و ل ئافرەتێ دا(۱۲.٥)گرام بیت
٭مفایێن خوین بەخشینێ
خۆین بەخشین یان بەردانا خوینێ تنێ بۆ وی کەسی مفا نیە کو خوینا وی وەردگریت، بەلکو مفایەکێ ئێکجار زور بۆ وی ژی یێ هەی ژوان مفایێن سەرەکی:
ــ کێمکرنا ئەگەرێ تۆشبوون ب نەخۆشیێن دلی
ــ رێگریکرن ل رەقبوونا بوریێن خوینێ
ــ نویکرنا خرۆکێن سورێن خۆینێ
ــ کێمبوونا خۆینێ ب ئەگەرێ خۆین بەخشینێ وەها دکەت هێسک خروکێن نوی دروست بکەت
ــ پلازما خۆینێ نوی دبیت و زڤرینا خوینێ چالاکتر دبیت
ــ کێمکرنا ئەگەرێ تۆشبوونێ ب شێرپەنجێ
ــ ئاسن ل خرۆکێن سورێن خۆینێ دا ب هیمۆگلوبین ڤە دنسیێت و ئوکسجینی هەلدگریت و ڤەدگۆهێزیت بۆ هەمی بەشێن لاشی
ــ بەلێ ل دەمێ رێژا ئاسنی دخوینێ دا زور بیت ب هیمۆگلۆبینڤە نەلکێت وی دەمی دبیتە ئەگەرێ دروستبوونا خانێن شێرپەنجێ دخۆینێ دا
ــ خوین بەخشین رێژا ئاسنێ زێدە دخوینێ دا کێم دکەت، لەوا هاریکارە بۆ کێمکرنا ئەگەرێ تۆشبوون ب شێرپەنجێ
ــ کێمکرنا رێژا ئاسنێ زیان گەهێنەر و دوهنێ زێده
ــ رزگارکرنا ژیانا مروڤەکێ دی