ئاکرێ نیوز:
ل ژێر چاڤدێریا د.عەلی تەتەر پارێزگارێ دهۆکێ بریارە بۆ جارا ئێکێ ئێکەم ڤیستەڤالا بەرهەمێن خۆمالی ل رۆژا ئێک شەمبی رێکەفتی(2023/9/3) ل دەمژمێر(4:00)ێ ئێڤاری ل جادا رەزا ل قەزا ئاکرێ بهێتە ڤەکرن.
ئاراس حامد ئەندامێ سەرپەرشتیارێ ڤیستەڤالێ بۆ ئاکرێ نیوز دا دیارکرن کو ئەڤ ڤیستەڤالە دێ ب هەماهەنگیا کارگەها ئاراس یا بەرهەمێن خومالی و رێڤەبەریا چاندنا ئاکرێ دێ هێتەڤەکرن،ئەڤە ژی پشتی هەول و ماندیبوونەکا زۆر دگەل لایەنێن پەیوەندیدار مە ب فەر زانی ئەم ل ئاکرێ ڤیستەڤالەکا بەرهەمێن خۆمالی ڤەکەین و سوپاس بۆ خۆدێ کو مە شیا رەزامەندیا هەمی لایەنان بینین.
گۆتژی دڤێ ڤیستەڤالێ دا ب ئامادەبوونا دکتور عەلی تتر پارێزگارێ دهۆکێ و لایەنێن پەیوەندیدارێن ئاکرێ دێ ڤیستەڤال بۆ جارا ئێکێ ب ئامادەکرنا 20 خیڤەتان بۆ پیشاندانا بەرهەمێن خۆمالی یێن ئاکرێ ب رێڤەچیت و دێ بەرهەمێن ئاکرێ هێتە نیشاندان،ئەم وێ باوەریێ دانە ئەڤە دێ بیتە پێنگاڤەکا باش بۆ بەرهەمێ جوتیارێن ئاکرێ و دێ کارەکێ باش بیت ژبۆ بازارکرنا بەرهەمێ خومالیێ دەڤەرێ.