حكومه‌تا هه‌رێما كوردستانێ راگه‌هاند، به‌رهه‌مئینانا كاره‌بێ بۆ 3500 مێگاواتان بلندبوویه، ژماره‌یا هه‌ڤپشكێن كاره‌بێ ژى گه‌هشتییه ئێك ملیۆن و 850 هزار هه‌ڤپشكان.
حكومه‌تا هه‌رێما كوردستانێ د راگه‌هاندنه‌كێدا به‌لاڤكر، كابینه‌یا نه‌هێ یا حكومه‌تا هه‌رێما كوردستانێ ل سه‌ر بنه‌مایێن ستراتیجى به‌ره‌ڤ وزه‌یا پاقژ و دابینكرنا خزمه‌تگوزارییێن گرنگ بۆ وه‌لاتییان چوو، شیا ئاستێ به‌رهه‌مئینانا كاره‌بێ بگه‌هینته سێ هزار و 500 مێگاواتان و چه‌ندین وێستگه‌هان ب مفا وه‌رگرتن ژ وزه‌یا پاقژ دابمه‌زرینیت.
ل دووڤ راگه‌هاندنا حكومه‌تێ، ئاستێ به‌رهه‌مئینانا كاره‌بێ 10 بۆ 15%ێ زێده‌بوویه، ژماره‌یا هه‌ڤپشكێن كاره‌بێ گه‌هشتیه ئێك ملیۆن و 850 هزار هه‌ڤپشكان، د كابینه‌یا نه‌هێدا ب رێكا سیسته‌مێ زیره‌ك رێك ل هه‌موو جۆره پێشلكارییان و ب هه‌ده‌ردانێن كاره‌بێ هاتییه گرتن.