ئاکرێ نیوز
کچەکا ئاکرێ بناڤێ هەبین حسێن سعدو، ژدایکبویا 2006ێ یە ل گوندێ شەرمن خودان بەهرەیە کا جیاوزە ئەو ژی ( زمانێ کۆری و ئینگلیزی ) ب دروستی دزانیت بنڤیسیت و ڤەخوینیت هەڤدەم کارێ شێوەکاریێ ژی دکەت.
یا جهێ ئاماژێ یە هەبینێ پتر ژ 100 قوتابیان فێری زمانێ کۆری کرینە ل هەرێما کوردستانێ و چەندین قوتابیێن دی هەبووینە ل وەلاتێن جیاواز وەکی ( یونان و ئیران و هندستان و پاکستانێ)کو ڤێری زمانێ کۆری کرینە.
هەبینێ پشکداری د چەندین پێشانگەهێن شێوەکاری دا ژی کرییە و کارێن خۆ نیشان داینە، بۆ ئاکرێ نیوز دبێژیت: ڤێربوونا زمانێن جیاواز و تێکەڵ بوون دگەل کلتورێن جیاواز پتر ئاستێ رەوشەنبیریێ مرۆڤی بلند دکەت.
و ئاشکرا دکەت کو زمانێ کۆری نەگەلەکێ ب زەحمەتە و یێ هێسانە بۆ ڤێربوونێ، و سوپاسیا دایک و بابێ خۆ دکەت کو ب پشتگیریا وانا هەروەسا کەسوکار و هەفالێت خۆ شیایە بگەهیتە ئارمانجا خۆ و ددەتە دیارکرن کو پشتی ل پولا دوازدێ ب دوماهیک دهێت دێ گەلەک کارو چالاکییان ئەنجام دەت بو مللەتێ خۆ، لداویێ ژی ب زمانێ کۆری بۆ ئاکرێ نیۆز ئاخڤت و گوت " ئاکرێ باژێرەکێ گەلەکێ جوان و کەڤنار و گەشتیاریی یە، وەرنە ئاکرێ " .