ئاکرێ نیوز
ئەڤرو سپێدێ رۆژا چارشەمبى رێکەفتی 20ی ئەیلولا 2023ێ، ل فاملى مۆڵ ل دەڤەرداریا سێمێلێ ب چاڤدێریا “د.عەلى تەتەر” پارێزگارێ دهۆکێ، ب ئامادەبونا “کەریم سلێمان” بریکارێ وەزارەتا چاندنێ و ئەحمەد جەمیل رێڤەبەرێ گشتی یێ چاندنێ ل پارێزگەها دهۆکێ و چەند بەرپرسێن حزبى و ئیدارى و جوتیارێن دەڤەرێ (16)مین ڤیستیڤاڵا ترى و هنگڤینى هاتە ڤەکرن.
ل دەستپێکێ ئامادەبوویان گەریانەک ل ناڤ پێشانگەهێ دا کر و ژنێزیک ڤە سەحکرە بەرهەمێن خومالى ژ هنگڤین وتریێ جوتیارێن پارێزگەها دهۆکێ .
بڤێ هەلکەفتێ پارێزگارێ دهۆکێ دەستخوشى ل رێکخەرێن ڤیستیڤالێ و هەموو جوتیارێن پشکدار کر وگوت: ل دووڤ راسپاردێن جەنابێ “سەروک بارزانى” و سەروکێ حکومەتا هەرێما کوردستانێ کو ئەم گرنگییەکا زێدە ب کەرتێ چاندنێ وجوتیارا ددەین ودڤى چارچوڤەیدا مە هاریکاریا گەلەک جوتیار وبەرهێنەرێن کەرتێ چاندنێ کریە ودووبارە پشتەڤانیا خۆ بۆ پێشئێخستنا کەرتێ چاندنێ ل سەرانسەرى پارێزگەهێ دیارکر بۆ وێ یەکێ بەرهەمێن چاندنێ فرێکەنە بازارێن جیهانى .
هەژى گوتنێ یە پتر ژ(40) جوتیارێن نمونەیى ب بەرهەمێن خو یێن ترى و هنگڤینى پشکدارى دپێشانگەهێ دا کریە وبو ماوێ ئێک رۆژ دێ یا بەردەوامبیت.