ئالان حەمە سەعید، وەزیرێ پەروەردەیا حکومەتا هەرێما کوردستانێ ئەڤرۆ ل دەمێ دەستپێكرنا سالا نوی یا خواندنێ د گۆتارەكێدا ڕاگەهاند، بۆ وەرزێ نوی یێ خواندنێ 2023-2024، پترین ڕێژا قوتابییان ل پۆلا ئێكێ بنەرەت هاتینە تۆماركرن كو هژمارا ئەوان دگەهیتە 158 هزار قوتابییان، سەرجەمێ هژمارا قوتابییێن كەرتێ تایبەت و گشتی دگەهیتە ملیۆنەك و 923 هزار قوتابییان.
هەروەسا دیاركر، د هاڤینا ئەڤسالەدا 20 هزار كورسی بۆ ناڤەندێن خواندنێ هاتینە دابینكرن، هەروەسا 20 ملیۆن پەڕتۆك هاتینە چاپكرن و بەری دەستپێكرنا وەرزێ نوی یێ خواندنێ گەهشتینە قوتابخانان و پڕۆسەیا بەردەوامە بۆ دابینكرنا پێدڤی و كەلۆپلێن دی یێن قوتابخانێ.