ڕێڤەبەریا گشتی یا کارەبێ ل پارێزگەها دهۆکێ ڕاگەهاندیە، ل گوندێ جالیدوک یێ سەر ب ناحیا قەسروکێ ڤە ل قەزا شێخان، چەند کەسان ئاسنێ 10 تاوەران دگەل بۆرغیان کو دبنە نێزیکی 400 پارچەیێن ئاسنی ژ تاوەرێن هێلا 132KV (باعەدرێ/ئاکرێ) دزینە.
ئاماژە کریە ژی، بەرکو ئەڤ کارێ نەیاسایی لسەر گیانێ وەلاتییان و توڕا کارەبێ دبیتە مەترسی ئێکسەر ئەندازیار ( نامق علي نعمان) رێڤەبەرێ ڤەگوهاستنا کارەبا پارێزگەها دهوکێ ل رێکەفتی٢٠٢٣/٩/٢١ سەرەدانا وان دەڤەران کر و دویفچونا وێ کەیسێ کر و هەمی جهێن پەیوەندیدار هایدارکرن و ب فەرمی داخواز کریە ڤەکۆلین و دووڤچونا وان کەسێن ئەو کارە کری بهێتە کرن ئەوێن و رادەستی دادگەهێ بهێنە کرن و بهێنە سزا دان ژ بەرکو زەرەر و زیان گەهاندییە توڕا کارەبا نیشتیمانی و ملکێ گشتی.