ئاکرێ نیوز
ئەڤرو 18 / 8 / 2023 سەروک مەسعود بارزانی د سەرەدانا خودا ژبۆ باژێرێ ئاکرێ دگەل جەماوەرێ ئاکرێ و بەردەرەش کومبوو
دکومبوونێ دا سیناهییەک بەردا سەر رەوش و پێشهات و کاودانێن ڤێ قوناغا کوردستان و ئیراق تێدا دەرباز دبیت و رۆناهی بەردا سەر پەیوەندیێن دناڤبەرا هەرێما کوردستانێ و عیراقێ .
یا جهێ ئاماژێ سەرۆک بارزانی ل دەسپێکا پەیڤا خودا ئاماژە دا وێ چەندێ کو ئەزێ هاتیم گوهداریا خاست و داخوازیێن وە بکەم، و من لبەربوو زویتر هاتبام لێ ئەڤ سەرەدانە دێ بوو هەمی دەڤەران هەبن بێ جوداهی و ئێکەم وێستگەها سەرەدانا من ژی ژبۆ ئاکرێ بوو.
و خویاکر ئەگەر دەلیڤە هەبیت ل ماوێن بێت دێ قەستا زۆر جهێن ئاکرێ کەم کو ل زارۆکاتیێ گەلەک جهێن ئاکرێ من دیتی نە و ئەو جهـ دبیردانکا مندا ماینە.
هەروەسا د گوتارا خۆ دا بەحسا رولێ کابینا نەهێ یاحکومەتا هەرێما کوردستانێ و خوراگریا وێ کر ل هەمبەر پێشهات و کاودانێن بسەردا هاتین، سەرباری هەمی کاودانان یا خۆراگربوویە و گەهایە ڤێ قوناغێ و ئیدی دێ گرنگیەکا باش ژی ب بەرهەمێ چاندنێ هێتەدان کو ئاکرێ و بەردەرەش ژی ئێک ل وان جهانە کو یا زەنگینە ب کەرتێ چاندنێ و گەشتیاریێ و ئێدی حکومەت دڤی بیاڤی دا دێ پیتە و گرنگێ ب ڤان سیکتەران دەت و پشت بەستنا حکومەتێ ژی نابیت بتنێ لسەر نەفتێ بیت، و دیارکر کو نها ل ئالیێ بەرهەمێ چاندنێ کوردستانێ ناڤ و بانگیێ خۆ هەیە ل رۆژهەلاتا ناڤین .
هەر د دەربارێ رەوش و کاودانێن هەرێمێ ئاماژە دا وێ ئێکێ کو هەردەما قەوارێ هەرێما کوردستانێ کەڤتە بن هەرەشێن داگیرکەران " تاکێن کوردستانی دێ لبەرەیێ وەلات پارێزیێ دابن و هندەک ژی دێ چنە بەرەیێ خۆ فروشیێ"دا وەکو ئەو کاودانێن بسەر هەرێمێ دا هاتین ل ماوێ رابوری و گوت ڤێ کوردستانێ هند پێشمەرگە و دلسۆز و قەهرەمان هەنە کو بێ گومان ژبۆ هەر کاودانەکێ دێ بەرگریێ ل ڤێ هەرێمێ کەن و تەکەزی ل وێ چەندێ ژی کر کو گرەنتی یا پاراستنا قەوارێ هەرێما کوردستانێ هێزا پێشمەرگێ کوردستانێ یە .
هەڤدەم بەحسا خۆراگریا پێشمەرگێن قارەمان کر ل پردێ و سحێلا کو ئەگەر ئەڤ هێزە نەبا کاودان و رەوشا هەرێمێ بڤی ئاوایی نەدبوو ، هەروەها خویاکر کو قەوارێ هەرێما کوردستانێ ب خوینێ هاتییە دانان و ب خوینێ دهێتە پاراستن ، ئاماژەدا قوناغا ریفراندومێ ژی و گوت کو دێ بەرهەمێ ریفراندۆمێ هەر هێتە جهـ و ئەگەر ریفراندم هاتبا پاشخستن ژی دا ئەڤرو هندەک کەس هەمان بووچوون هەبیت یا دژبەر و نوکە دابێژن سەروک بارزانی وەنەکر کوردستان ببیت دەولەت .
ل داویێ دەرگەهێ دانوستاندنێ هاتەڤەکرن و بەرهەڤبوویان پرسیار و پێشنیار و داخوازیێن خۆ ئاراستەکرن و ژبال خوڤە سەروک بارزانی دیارکر و سوزدا کو دێ هەمی هەولان دەم دگەل ئالیێن حزبی و حکومی کو ڤان داخوازیێن خەلکێ قەزا ئاکرێ و بەردەرەش بهێنە جێبەجێکرن، سەرۆک بارزانی دلخوشیا خۆ ژی دیارکر کو پێشنیار و خاست و داخوازیێن خەلکێ دەڤەرێ د گشتی بوون.