ب ناڤێ خودێ مەزن ودلۆڤان
پشتی نەھ سالان ل بورینا کارەساتا شنگالێ ب مخابنی ڤە برینا شنگالێ سارێژنەبوویە ئازار و دەربەدەری یا خۆیشک وبرایێن ئێزدی یا بەردەوامە.رێککەفتنا ناڤبەرا حکومەتا هەرێما کوردستانێ و عێراقێ ل سەر ئاسایکرنا بارودۆخێ شنگالێ ڤەگەراندنا ئاواران باشترین چارەسەریە بۆ هندێ دوماهیێ ب نەهامەتی و ئازارێن خەلکێ شنگالێ بینیت.بەلێ جهێ پرسیارێ یە بۆچی هەتا نها حکومەتا عێراقێ نەشیا رێککەفتنا ئاسایکرنا بارودۆخێ شنگالێ جێبەجێ بکەت،وهەتا کەنگی حکومەتا عێراقێ دێ رێکێ ب وان هێز ولایەنان دەت کو رێگریێ ل جێبەجێکرنا رێککەفتنا شنگالێ دگرن؟
ل ڤێ هەلکەفتێ دا گەلێ کورد چاڤەرێ جڤاکێ نێڤدەولەتی و وەلاتێن دی هەیە کو هەڤشێوێ ئەلمانیا و بریتانیا کو ب فەرمی دانپێدان ب جینۆسایدکرنا ئێزدیان ژلایێ داعشێ ڤە بهێتەکرن،هەروەسا کیمیا باران و پروسا ئەنفال و گشت تاوانێن دی بەرامبەر گەلێ کورد ئەنجام داین.
ل نەهەمین سالیادا کارەستا شنگالێ دا سلاف ل گیانێ شەهید و قوربانیێن وێ تاوانێ دهنێرین و روڵێ هێزێن پێشمەرگەهێ کوردستانێ بلند دبینین کو مێژۆ و قارەمانی تۆمارکریە بۆ ئازادکرنا چیایێ شنگاڵێ و خۆینا خۆ بەخشیە و تۆل ل تیرۆرستێن داعش ڤەکر.