نێچیرڤان بارزانی، سەرۆکێ هەرێما کوردستانێ د رێورەسمێن دەرچوونا خولا چارێ یا پەیمانگەها دادوەری دا گۆتاره‌ك پێشکێشکر و گۆت، دادوەری ئەرکه‌كێ سەخته و بەپرسیاره‌تییه‌كا مه‌زنه ل بەرامبەر خودێ و بەرامبەر وژادنێ و مرۆڤایەتییێ.
سەرۆکێ هەرێمێ دیار كر ژی، یاسایێ دەستهه‌لات دایه دادوه‌ری کو یێ ئازاد بیت، ئەڤە ئەرکێ دەستهەلاتا دادوەری و دادوەرانە، سەربەخۆییا خۆ بپارێزن، ئەرکێ دادوەرییه كو ئه‌و ب خۆ قه‌بوول نەکه‌ت و رازی نەبیت چ کەس و لایەنه‌ك دەستهەلاتا خۆ ب سه‌ر وی دا ب سەپینیت.
سەرۆکێ هەرێما کوردستانێ گۆت ژی: هه‌وه پیشەیەکا گران هەلبژارتییه، هیڤییا سەرکەفتنێ بۆ هه‌وه دخوازم د ڤێ رێیا سەخت یا هه‌وه هەلبژارتی.
نێچیرڤان بارزانی ئه‌و ژی گۆت: هوون پارێزەرێن مافێن هەموو چین و ته‌خێن جڤاكینه و ماف و مولكێ گشتینه” سەربەخۆییا دەستهه‌لاتا دادوەری و سەروەرییا یاسایێ ستوونا سەرەکییا حکومرانییا دروست و سەرکەفتییە د وه‌لاتی دا، گۆت ژی: بۆ هندێ باوه‌ری و پشت به‌ستن ب یاسایێ و دادگه‌هێ هەبیت، دڤێت دل ئارام بن كو مافێن وان دێ هێنه پاراستن.
دادوەری بنەمایێ حوکومرانییێ یه و پارێزەرێ جڤاكی و سیستەمێ سیاسییە ل هەر وه‌لاته‌كێ.