هژمارەکا تاخێن کەڤنارێن ئاکرێ مەترسیا هەرڤینێ لسەر هەیە و هژمارەکا ئاڤاهیێن وان تاخان ژی بووینە هەرفتە خەلکێ وان تاخان ژی داخواز دکەن پتر بهێنە ڤەژاندن.
ئەیاد سالح ئێکە ژ ئاکنجیێن خەلکێ سەنتەرێ ئاکرێ و ئەشکرا کر کو، باژێرێ ئاکرێ تایبەت تاخێن کەڤن خەلکەکێ زۆر یێن گەشتیار و سەردانکەر سەرەدانا ڤان جها دکەن ب تایبەتی بەردەگەهێ قشلێ و سەری گری و جهێن کەڤنارێن وان تاخان ، ئەم ژی داخاز دکەین کو پتر خزمەتا خلکی وان تاخان بهێیە کرن .
ژبالخوڤە بلند رەزا زێباری سەرۆکێ باژێرڤانیا ئاکرێ بۆ ماڵپەڕێ ئاکرێ نیوز گوت: داخازەک ب رێیا وەزارەتا باژێرڤانیێ بو ئەنجومەنێ وەزیران هاتییە هنارتن بۆ پتر خزمەتکرنا باژێرڤانیا ئاکرێ و هەول و بزاڤێن مە ژی بەردەوامن لسەر باژێری.
سەرۆکێ باژێرڤانییا ئاکرێ گوتژی; ل سالا 2010 برەکێ پارەی هاتە مەزاختن بۆ هندێ هەر دەڤەرەک هندەک خانی پێ بهێنە نوژەنکرن و لدیڤ هند رێنمایان بوو یێن شینەواری نوکە ژی دڤێت ل گورەی وان رێنمایان کار لسەر نوژەنکرنا وان تاخێن کەڤنار بهێنە کرن .
دیارکر ژی کو بۆ ڤان خانییان ل سالا 2011 و 2012 ێ دگەل 2013 ژی برە پارەک هاتە دانان کو گەهشتنە 650 ملیۆنان ئەو پارە پشتی سالا 2013 هاتە ڕاگرتن ئەو پارە .
هەروەسا سەرۆکێ باژێرڤانیێی گوتژی; نوکە هەول و بزاڤێن وان ئەوە کو هەر کەسەکێ خانیێ خۆ خراب بکەت و نوی بکەت دێ ل گورەی وان رێنمایان بیت دکارین وان خانییان پارێزن وەکو شێوازیێ تەلارسازیا کەڤنارا ئاکرێ لێ دبیت د هەبوونا قەیرانان نەشیا بین هند هاریکاری وەک بەردەوامبن .
داویێ گوتژی کو چەندین جارا داخواز هاتییە کرن ژلایی مە لێ بەلێ وەکی مە گوتی ئەم کار دکەین سەر پلانێن خۆ بو دەڤەرێ لێ هێژ چو بەرسڤەک نەبوویە بۆ ڤەژاندنا وان تاخان.