سه‌رۆك مه‌سعوود بارزانى په‌یامه‌كا سه‌ره‌خۆشییێ بۆ وه‌غه‌ركرنا مه‌تران ره‌بان ئه‌لقه‌س به‌لاڤكر.
سه‌رۆك بارزانى دپه‌یاما خوه‌دا دیاركر، ب مخابنییه‌كا مه‌زنڤه كه‌سایه‌تییێ ئایینى یێ دیارێ كلدانى كوردستان ( مه‌تران ره‌بان ئه‌لقه‌س ) مه‌ترانێ كه‌نیسه‌یا ( كلدان ) گه‌هشته وان.
سه‌رۆك بارزانى راگه‌هاند، خۆدێ ژێ رازى مه‌تران ره‌بان ئه‌لقه‌س رۆله‌كێ به‌رچاڤ د به‌لاڤكرنا فه‌رهه‌نگا پێكڤه‌ژیانا ئایینى و نه‌ته‌وه‌یى ل كوردستانێ و پشته‌ڤانیكرنا دۆزا ره‌وایا گه‌لێ كوردستانێدا هه‌بوو، سه‌ره‌خۆشییێ ل مالبات و كه‌سوكارێن وى خووشك و برایێن مه‌سیحى ل كوردستانێ و جیهانێ دكه‌ت و خوه ب هه‌ڤپشكێ خه‌ما وان دزانیت.
سه‌رۆك مه‌سعوود بارزانى گوت ژى : ژ خۆدایێ مه‌زن دخوازیت ڕۆحا خۆدێ ژێ رازى مه‌تران ره‌بان ئه‌لقه‌س ل به‌ر دلوڤانییا خوه بدانیت و ب به‌هه‌شتێ شاد بكه‌ت و سه‌بر و ئارامییێ ب هه‌موو لایه‌كى بده‌ت.