ئاکرێ نیوز
ئەڤرو لسنوورێ باژێرڤانیا ئاکرێ کار لسەر قێرکرنا هژمارەکا جادێن ناڤخووی هاتەکرن.
ژبالخوڤە بلند رزا زبێر سەروکێ باژێرڤانیا ئاکرێ ژبۆ ئاکرێ نیوز دیارکر کو :" ئەڤرو جادێن دەڤەرا کارگەهێن سڤک ل بەرامبەر ترافیکا سوسنا نزیک ویستگەها کارەبێ هاتنە قێرکرن، دگەل جادێن کارگەهێت ئار و بەفرێ
هەروەها جادا چل متری ل بەرامبەر کولیژا پەروەردا ئاکرێ هەتاکو جادا ئالەرەشێ یاکەڤن ، ل تەنشت گورەپانا فروشتنا کەل و پەلێن ئاڤاکرنێ هەمی دهێنە قێرکرن.
دیسان لڤان رۆژان قێرکرنا هژمارکا جادان ژبۆ چەند قوتابخانا و مزگەفتا ل سنوورێ باژێرڤانیا ئاکرێ دهێنە قێرکرن ژوانا ژی ( جادا قوتابخانا ئامادەیی و مزگەفتا خێلا ل تاخێ سوسنا ، جادا مزگەفت و قوتابخانا گوندێ رەزوک ، رێکا قوتابخانا زەلال و مزگەفتا شێخ ئەحمەد سورجی ل تاخێ رۆناهی ، رێکا قوتابخانا تاخێ کوردستان ) هەمی دهێنە قێرکرن دگەلدا ژی گرێدانا گەرەکا شەهیدان ( فەوجێ ) دگەل جووت سایدێ سەرەکی نزیک هولا کونفرانسا .
تێزانین ئەڤ پرۆژە ل ئاکرێ ب کوژمێ ( 2ملیار و 132ملیون دیناران ) کار لسەر دهێنەکرن، لسەر پلانا تایبەتا سالا 2022 یا پارێزگەها دهوکێ هەروەها پرۆژە ژبال کومپانیا وارڤین دێ هێتە بجهکرن.