ئاکرێ نیوز:
فازل مستەفا رەشید رێڤەبەرێ چاندنێ ل ئاکرێ بۆ ئاکرێ نیوز ددەتە دیارکرن کو ل سنورێ قەزا ئاکرێ هەتا 3ملیۆن دارێن سماقێ هەنە،دئەڤ سالەدا ئەم پێشبینی دکەین هەتا 5هزار تەنێن سماقێ ل دەڤەرێ بهێنە بەرهەمئینان.
دەربارێ کۆالێتیا بەرهەمێ سماقێ ناڤهاتی خۆیاکر کو ئەڤ سالە بەرهەمێ سماقێ یێ باشە و زێدەترە ل سالێن چووی و کوالێتیا بەرهەمی ژی باشترە،چونکی سالێن چووی بەرهەمێن گەلەک جوتیاران هاتنە سوتن و گەلەک ژی تۆشی نەخۆشیا ببوون،لێ دئەڤ سالەدا دویرە ژ ڤێ چەندێ لەوا بەرهەم باشترە ل سالێن چووی.
سەبارە بهایێ سماقێ ناڤبری گۆت:گرانبوونا بهایێ سماقێ دمینیت ل سەر داخوازیا بەرهەمێ وێ کو ئەو بەرهەم بخۆ یێ کێم بیت دێ بهایێ وی بازاری دا گرانتربیت،خالا دی رێکێن رەوانەکرنا بەرهەمێ خۆمالی بۆ دەرڤە باشتر ڤەبووینە،تایبەت بۆ ئەوروپا و وەلاتێن روژهەلاتا ناڤین، ئەڤە ژی ب پشتەڤانی و هەماهەنگیا حکومەتا هەرێما کوردستانێ بۆ بەرهەمێ جوتیاران،ئەڤە ئەگەرێن بلندبوونا بهایێ سماقێ نە.
ئاماژە دا وێ چەندێ کو مە ل سنورێ ئاکرێ جوتیارەکێ نموونە یێ هەی بۆ چاندنا بەرهەمێ سماقێ،ئەگەر بەر پەکەکێ و مەترسیا فرۆکێن تۆرکیا نەبایه،دا بەرهەمێ سماقێ گەلەک زێدەتر بیت و پتر دا جوتیار گرنگیێ دەتێ،لێ ئەڤێ چەندێ ژی کارتێکرنا خۆ هەیە ل سەر جوتیاران،چونکی گەلەک جاران جوتیار نەشێن قەستا رەزێن خۆ بکەن و گرنگیێ بدەنێ،چونکی مەترسی سەر ژیانا وان هەیە.
دهێتە زانین کو ل هەرێما کوردستانێ دوو جورێن سماقێ هەنە(سماقا سور،سماقا سپی) هەمی دەمان ل بازاریدا سماقا سپی بهایێ وێ زێدەترە ل سماقا سور،دئەڤ سالەدا بهایێ سماقێ ب گشتی جوداهی یا هەی و بهایێ وێ بلندترە ل سالێن بوری.