نەسرین یوسف
ل یادا دا مەزراندنا 16 تەباخێ (77)سالێن پری ڤەرێژا خەبات و قوربانی وخۆڕاگریێ و خۆنەچەماندنێ ژ کاروانێ بێ راوستیان ژبۆ ئامارنجا کوردایەتیێ و بدەستڤەئینانا مافێن ڕەواێین گەلێ مە ئەڤ یادە ژدل و جان پیرۆزە ل سەرکردایەتیا پارتامە و تەڤایا ئەندام و ئالیگرێن پارتی و دیسان هەربڤێ هەلکەڤتێ ژ دل و جان پیرۆزە رۆژا ژ دایک بوونا سەروک بارزانێ کو نوکە بوویە لێڤەگەرێ کوردان لسەر ئاستێ دەڤەرێ جیهانێ .
خویایە کو دلسوزێن ڤێ رێبازێ و کوردایەتیێ ئەڤ رێبازە گەهاندییە کەنارێ ئارامیێ سەرەرای هەبوونا دوژمن و نەیارێن ناڤخوویی و دەرەکی و پیلان و پلان گێری و هەڤدژی یا لهەمبەر پارتی، لێ پارتامە ژ هێزا چیا و بهەبوونا پێشمەرگێ قەهرەمان و ب پشتەڤانیا دەنگێ خۆرستی، مللەتێ هەژار و ستەم دیتی خورترە چاخ بۆ چاخی ژ کاروانێ دوزێ قەت نەوەستیایە و نەراوەستییایە و بەر ب گاڤێن پێش پێشڤەچوویە.
خویایە ژی ئەڤ پێگەهـ و ئازادییا هەی ب رویبارێن خوینێ هاتییە هەبوونێ.
گەلەک فەرە پارتامە کو خودان سەنگ و هێزەکا کاریگەرە لسەر ئاستێ ناڤخوو و دەڤەرێ ب تایبەت بەرپرسێن مە و کادرێن مە خۆ لڤی جەماوەرێ دلسوز و ئەمکدار نزیک بکەن و خۆ ب خودانێ ئاریشە و داخوازی و کێم و کاسیێن ئەندام و ئالیگرێن پارتی بکەنە خودان، ژبوونا بەردەوامی بهێتە دان لسەر پاراستنا دەسکەڤتا و بدەست خستنا ئارمانجێن بهادارتر ژبۆ کورد و کوردستانیان پارتی بوون یانی کوردبوون.
ئومێدا ڤی چەندێ ل پارتی دهێتە چاڤەرێکرن کو بەردەوامبیت لسەر هەلویستێن خۆ یێن نەگور و نەخاسم ژی ژ ئالیێ چاکسازی و پاک سازیێ و ئارامیێ و ئاڤادانیێ ژبۆ بەختەوەریا تاکێن جڤاکێ کوردی ل هەرچوار پارچێن کوردستانێ .
دیسان خاست ئەوە کو پتر گرنگی ب تویژا گرنگ و کاریگەرا جڤاکی بهێتەدان ئەو ژی تویژا لاوان هەروەکی چاوا جەنارالێ مەزن بارزانیێ باب پویتە ب ڤێ تەخێ دایە، نەخاسم بۆ ڤێ قوناغێ ژبۆ رەخساندنا دەلیڤێن کاری و خوشگوزەرانیا وانا کو ئاڤاکرنا مللەتان لسەر ملێن ڤێ تویژێ یە.
هەم دیسان گرنگییەکا باشتر ب رێکخستنێ و هەلسەنگاندنا کادری بهێتەدان نەخاسم کادرێن بناغەی ژبەرکو ئەون د نزیک و هایدار ل رەوش و ژین و ژیار و کەدا وەلاتیان سەر هەل .
بڤێ هەلکەڤتێ هزار سلاڤ لسەر روحا شەهیدێن کورد و کوردستانێ و رێبەر و سەروەرێ وان بارزانیێ باب و دامەزرێنەر و کاک ئیدریسێ دناڤ دلاندا ساخ.