|| پولیس علی سعید ||
ل ڤان روژێن بووری دگەل چەند کەسایەتی و ماموستایێن ئولی د رونشتنەکێ دا بووین و گەلەک مژار هاتنە گەنگەشەکرن، نەخاسم ل وارێ گورانکاریێن دەڤەرێ و کێم و کاسی و ئەنجامدانا پرۆژان .
من ژی گوهداری یا وانا دکر ئێک ژ وان ماموستایێن ئایینی بەحسا هەلویستەکێ کاک مەردان خدر بەرپرسێ لقا9 کر کو ب راستی جهێ بالکێشانێ بوو ، وی ماموستایێ ئایینی دادیارکرن کو مزگەفتا مە ئەڤە ماوەیەک بوو کێشا کێم ئاڤیێ هەی و گەهشتییە وێ چەندێ کو ئاڤ نەمابوو ل مزگەفتامە ، من ژی پەیوەندی ب لایەنێن پەیوەندیدار کر وەکو پێتڤی ئاریشا مە چارەسەر نەبوو، من بفەر دیت کو ڤێ داخوازیا خۆ بگەهینمە لقا9 ل ئاکرێ و ب راستی و ب ویژدانڤە دبێژم کو رێزەکا زۆر لمن هاتەگرتن و پێشوازی و سەرەدەریەکا جوان لمن هاتەگرتن ژبال بەرپرسێ لقا9 .
د رینشتنا خۆ دا پشتی ئەحوال پرسینێ من کێشا کێم ئاڤیا مزگەفتا مە گەهاندە بەرپرسێ لقێ، کاک مەردان خدری راستەوخۆ دەست دا تێلەفوونا خۆ ئێکسەر پەیوەندی ب رێڤەبەرێ ئاڤا ئاکرێ ڤەکر و گوتێ:" نابیت ب چ رەنگان مزگەفتێن ئاکرێ بێ ئاڤ بن و هەتاکو ماینە دێ دخزمەتا مزگەفتان دا بین ."
لدەمێ پەیوەندیا جەنابێ وی ب دوماهی هاتی ، کوژمەکێ پارا لسەر ئەرکێ خۆ رادەستی من کر و گوت ماموستا دێ چارەسەریا بووری و پێتڤی یێن ئاڤێ پێ کەن بۆ مزگەفتێ و نوکە ژی دێ رێڤەبەرێ ئاڤێ بۆ مزگەفتا وە ئاڤێ دابین کەت.
و ئەڤ ئێکە دووپاتکرەڤە و گوت نابیت ب هیچ رەنگەکی مزگەفتێن دەڤەرێ بێ ئاڤ بن و دەرگەهێن مە ژبۆ هەمی لایەکی دڤەکرینە و ئەم دخرمەتا هەڤوەلاتیێن خۆ داینە.
ئەڤ گوتنێن من داینە دیارکرن یێن ماموستایەکێ ئایینی بوون ل دەڤەرا مە کو من ب پێتڤی زانی ئاماژێ پێ بدەم و بێخمە بەر دەستێ خوندەڤایان و ڤی هەلویستێ جوامێرانە و مەردانە بدەمە خویاکرن.
لێرە دا دووپات دکەم کو( د. مەردان خدر ) ئێک ژ وان کەسێن خەمخوور و دلسوز و بەرێزە کو گوتنا بابێ روحیێ نەتەوا کورد بارزانیێ نەمر کرییە کریار دەمێ دبێژیت ( ئەم خزمەتکارێن مللەتێ خوینە ).